मुख्य न्यायाधीवक्ता थपलियाले शपथ लिए

मुख्य न्यायाधिवक्ता थपलियाले प्रदेश प्रमुख अनुराधा कोइराला र मुख्यमन्त्री डोरमणि पौडेलको उपस्थितिमा हेटौंडा उपमहानगरपालिका–१० स्थित प्रदेश प्रमुख कार्यालयमा शपथ ग्रहण गरेका हुन् ।

उनलाई उच्च अदालत पाटनका मुख्य न्यायाधीश कुमार चुडालले एक समारोहबीच शपथ ग्रहण गराएका थिए । मुख्यमन्त्री पौडेलले साउन ८ गते खाली रहेको मुख्य न्यायाधिवक्तामा काठमाडौं कलंकीका थपलियालाई सिफारिस गरेका थिए ।

यसअघिका मुख्य न्यायाधिवक्ता सूर्यचन्द्र न्यौपानेले राजीनामा दिएसँगै उक्त पद रिक्त रहेको थियो । मुख्य न्यायाधिवक्ताको नियुक्ति प्रदेश मुख्यमन्त्रीको सिफारिसमा प्रदेश प्रमुखले गर्ने संवैधानिक व्यवस्था छ ।