माछा मार्ने क्रममा खोलामा युवक बेपत्ता
दोलखा — माछा मार्ने क्रममा खोलाले बगाउँदा एक युवक बेपत्ता भएका छन् । उनलाई कालिञ्चोक खोलाले शुक्रबार अपरान्ह बगाएको हो ।
कालिञ्चोक गाउँपालिका—२ स्थित ३१ वर्षीय राजु थामी माछा मार्दै गर्दा बेपत्ता भएको जिल्ला प्रहरी कार्यालय दोलखाले जनाएको छ ।
खोलामा डुबेको देखेपछि स्थानीय राजेन्द्र थामीले उद्धार गर्न खोजेको तर असफल भएको प्रहरीले जनाएको छ ।