गाई काटेको आरोपमा तीन जना पक्राउ
स्याङजा — चापाकोट नगरपालिका–२ चिर्तेथुङगाका ३ जनालाई गाई काटेको आरोपमा प्रहरीले पक्राउ गरेको छ ।
सोमबार साँझ स्थानीय लालबहादुर नेपाली, मंगल नेपाली र अनिल नेपालीलाई प्रहरी चौकी चापाकोटले नियन्त्रणमा लिएको हाे ।
लालबहादुरको घरमा रहेको गाई घरबाट ६० मिटर तल लगेर काटेको भन्ने खबर स्थानीयले दिएपछि तत्काल पक्राउ गरिएको जिल्ला प्रहरी प्रमुख एसपी जयराज सापकोटाले बताए ।
पक्राउ परेकालाई मुलुकी ऐन २०२० गौबधको महल अनुसार मंगलबार जिल्ला अदालतमा मुद्दा दर्ता गरिने एसपी सापकोटाले बताए ।
प्रकाशित : जेष्ठ ८, २०७५ ०८:३७प्रतिक्रिया