पौडी खेल्दा बेपत्ता चौधरीको शव चार दिन पछि भेटियो
गोरखा — पौडी खेल्ने क्रममा बेपत्ता भएका मजदुर चार दिन पछि मृत भेटिएका छन् । सप्तरी इटहरुवा–९ सितापुर घर भइ यहाँ पुल निर्माणको काममा संलग्न मजदुर ३८ वर्षीय जितेन्द्र चौधरी पौडी खेल्ने क्रममा गत २५ गते शुक्रबार पालुङटार नगरपालिका–७ च्याङलीस्थित नायाँ पुल नजिकैको मस्र्याङदी नदीमा बेपत्ता भएका थिए ।
उनको शव सोमबार साँझ गोरखा नगरपालिका–१४ देउरालीस्थित गोप्लिङको मस्र्याङदी किनारमा फेला परेको डीएसपी भेषराज रिजालले जानकारी दिए ।