फरार अभियुक्त ७ वर्षपछि पक्राउ
लमजुङ — कर्तव्य ज्यान मुद्दाका अभियुक्तलाई प्रहरीले ७ वर्षपछि पक्राउ गरेको छ । मर्स्याङ्दी गाउँपालिका-४, ताघ्रिङका ३५ वर्षीय बाबुराम तामाङलाई पक्राउ गरेको प्रहरीले जनाएको छ ।
कर्तव्य ज्यान मुद्दामा घटना भएको दिन २०६८ वैशाख १२ गतेबाट फरार तामाङको विपक्षमा जिल्ला अदालत लमजुङले २०६९ मंसिर २७ गते ५ सय रुपैयाँ जरिवाना हुने गरी फैसला गरेको थियो । त्यसपछि पुनराबेदन अदालत पोखराले २०७१ साल जेठ २६ गते फैसलालाई उल्टाएर तामाङलाई ६ महिना कैद फैसला गरेको थियो ।
घटना भएदेखि फरार तामाङलाई बाहुनडाँडा प्रहरी चौकीको प्रहरी टोलीले मंगलबार घरबाट पक्राउ गरेको डीएसपी यादव ढकालले बताए । उनका अनुसार तामाङलाई बुधबार जिल्ला कारागार चलान गरिएको छ ।
प्रतिक्रिया