बस र ट्रक ठोक्किँदा १५ घाइते
नवलपरासी — पूर्वपश्चिम राजमार्ग अन्तरगत गैडाकोटको थुम्सीमा शनिबार बिहान दुईवटा गाडी ठोक्किँदा १५ यात्रु घाइते भएका छन् ।
कावासोतीवाट नारायणगढतर्फ जाँदै गरेको ना ६ ख ५९२७ नम्बरको ट्रकलाई पछाडिबाट आउँदै गरेको ना ६ ख ४१६ नम्बरको बसले ठक्करदिँदा दुर्घटना भएको इलाका प्रहरी कार्यालय गैडाकोटले जनाएको छ ।
घाइते मध्ये बस चालक दांङका उमेश केसीको अबस्था गम्भिर रहेको प्रहरीले जनाएको छ । घाइतेहरुको पुरानो मेडिकल कलेज भरतपुरमा उपचार भैरहेको प्रहरीले जनाएको छ ।
प्रकाशित : असार ९, २०७५ १०:५७