ज्वाइँले रड प्रहार गर्दा बिरुवा गाउँपालिका-३, राङभाङ बस्ने एक दम्पती घाइते भएका छन् । ७८ वर्षीय मोहनसिंह थापा र श्रीमती ६९ वर्षीया चित्रकुमारीलाई ज्वाइँ खुमबहादुर थापाले रड प्रहार गरेका थिए ।
पर्यटकीय नगरी पोखरामा चरा महोत्सव हुने भएको छ । आयोजक पोखरा पंछी समाजले सोमबार पत्रकार सम्मेलन गर्दै तीन दिने महोत्सव चरा पर्यटन प्रवर्द्धनका लागि हुन लागेको जनाएको छ ।
गत सातादेखिको वर्षा, बाढी र पहिरोले कालीगण्डकी कोरिडोरको बागलुङ खण्डका सडक बिगारेको छ । बाटो बिग्रिएपछि एक सातायता सवारीसाधन चल्न छाडेका छन् । पैदलयात्रीले पनि सास्ती खेप्नु परेको छ ।
वर्षाले यहाँको जमिनमा धाँजा फाट्ने र घर चर्किने भएपछि स्थानीय विस्थापित भएका छन् । काठेखोला ५ स्थित बिहुँ पोखराको मिलनचोक र काउलेका १३ घरका बासिन्दा विस्थापित भएका हुन् ।
खानेपानीको समस्या टार्न जलजला २, ३ र ४ (वारिबेनी) का बासिन्दाले कालीगण्डकीको पानी ल्याउने भएका छन् । डेढ सय मिटरमाथि (भर्टिकल हाइट) लिफ्टिङ गरेर पानी बजारमा वितरण गर्न लागिएको हो ।
अभिभावकले वैशाख महिनाभर भर्ना अभियान चलाए, त्यही समयमा यहाँको एक विद्यालयकी प्रधानाध्यापक घरमा बसिदिँदा बालबालिकाले पढ्न पाएनन् । भर्ना भएकाहरू पनि छाडेर अरू विद्यालयमा जान बाध्य भए ।
जिल्लाको अन्नभण्डार मानिएको मंगला गाउँपालिकाले विज्ञको सहयोगमा कृषि गुरुयोजना बनाउन अध्ययन सुरु गरेको छ । विज्ञ टोली बोलाएर कृषि, पशुपालन र मत्स्यपालनको सम्भाव्यता अध्ययन थालिएको हो
१८.१२°C काठमाडौं
