ज्वाइँको कुटाईबाट ससुराको मृत्यु 

सोही ठाउँ घर भएका (छोरी) ज्वाइँ खुमबहादुर थापाले आइतबार बेलुका मोहनसिंहको दम्पतीलाई नै रड प्रहार गरी घाइते बनाएका थिए । मोहनसिंहकी श्रीमती ६९ वर्षीया चित्रकुमारीलाई भने अस्पतालले डिस्चार्ज गरेको जिल्ला प्रहरी कार्यालयले जनाएको छ ।

प्रहरीका अनुसार टाउको र शरीरमा चोट लागेका मोहनलाई जिल्ला अस्पताल, गण्डकी अस्पताल पोखरा हुँदै फिस्टेल अस्पतालमा भर्ना गरिएको थियो । ज्वाइँको कुटाईबाट गम्भीर घाइते भएका उनलाई आइसीयूमा राखिएको थियो ।

ज्वाइँ खुमबहादुरलाई प्रहरीले आइतबार पक्राउ लगत्तै मानसिक सन्तुलन ठिक नभएको भन्दै दाजुको जिम्मा लगाई छाडेको थियो ।

मोहनसिंहको मृत्यु भएसँगै खुमबहादुरलाई पुन: पक्राउ गरेको जिल्ला प्रहरी प्रवक्त्ता प्रहरी नायव उपरीक्षक प्रकाश विष्टले जानकारी दिए । खुमबहादुरलाई जिल्ला अदालतमा कर्तव्य ज्यान मुद्दा दर्ता गरिने प्रहरीले जनाएको छ ।