दुर्घटनामा पैदलयात्रुको मृत्यु
नवलपरासी — महेन्द्रराजमार्ग अन्तर्गत पूर्वी नवलपरासीको भैसाखोरीमा गाडीको ठक्करबाट एक पैदलयात्रुको मृत्यु भएको छ ।
भैसाखोरीस्थित सशस्त्र प्रहरीको क्याम्प अगाडि भएको दुर्घटनमा स्थानीय ४५ वर्षका अमरबहादुर बिकको मृत्यु भएको जिल्ला प्रहरी कार्यालयले जनाएको छ । ठक्कर दिने गाडीको पहिचान हुन सकेको छैन ।
बाटोमा पैदल हिँडदै गरेका बिकलाई ठक्कर दिएर गाडी भागेको प्रहरीको भनाई छ । घटना मंगलबार बिहान भएको हो । ठक्कर दिने गाडीको खोजी भइरहेको प्रहरीको दाबी छ । शवलाई पोष्टमार्टमका लागि भरतपुर अस्पतालमा राखिएको छ ।
प्रकाशित : श्रावण १, २०७५ १२:५२प्रतिक्रिया