डा. केसीको जीवन रक्षा माग गर्दै तनहुँमा प्रदर्शन

प्रताप रानामगर

दमौली — अनसनरत प्रा.डा. गोविन्द केसीको जीवन रक्षाको माग गर्दै नेपाल विद्यार्थी संघ तनहुँले शुक्रबार दमौलीमा प्रर्दशन गरेको छ । जुम्लामा अनसनरत डा.केसीलाई सरकारले अपहरण शैलीमा काठमाडौ लगिएको भन्दै संघले विरोध जनाएको छ । 

भादगाउँस्थित आदिकवि भानुभक्त क्याम्पसबाट डा. केसीको समर्थन र सकारकारको विरोध गर्दै बृहत र्‍याली निकालेको थियो । क्याम्पसबाट सुरु भएको र्‍याली गणेशमानचोक, सफासडक हुदै दमौलीको मुख्य चोकमा कोणसभा गरेका थिए ।

र्‍यालीमा सहभागीहरुले डा.केसीको साथमा छौं, डा.केसीको जीवन रक्षा गर, सरकारी गुण्डागुर्दी अन्त्य गर, चिकित्सा शिक्षा ऐन पारित गर, माफिया तन्त्र अन्त्य गर, माथेमा प्रतिवेदन लागु गर, माफियाको मिसन, सिटामोलमा कमिसन लगाएतका नारासहित प्रदर्शनमा उत्रिएका थिए ।

माथेमा कार्यदलको सुझावअनुसार चिकित्सा विधेयक बनाउनका लागि दबाबमूलक प्रर्दशन गरिएको संघले जनाएको छ । प्रदर्शनमा नेपाल मानव अधिकार संगठन तनहुँले ऐक्यबद्धता जनाएको छ ।

प्रकाशित : श्रावण ४, २०७५ १०:२९
प्रतिक्रिया
पठाउनुहोस्

अग्रज पत्रकार खनालको दुर्घटनामा निधन

कान्तिपुर संवाददाता

काँकडभिट्टा — झापाका अग्रज पत्रकार गोपीकृष्ण खनालको निधन भएको छ । बिहीबार दिउँसो जीपको टक्करबाट घाइते उनको उपचारका क्रममा राति निधन भएको पारिवारिक स्रोतले जनाएको छ ।

उनलाई सुरुमा विर्ता सिटी अस्पताल भर्ना गरिएपनि त्यहाँ उपचार सम्भव नभएपछि विएन्डसी अस्पताल भर्ना गरिएको खनालका नातेदार तीर्थ सिग्देलले जानकारी दिए ।

साइकलमा चढेर घर फर्किदै गरेका खनाललाई विर्तामोड–२ चारपाने नजिकै मे १ ज ६५८ नम्बरको जीपले ठक्कर दिएको थियो । विर्तामोड–३ का ७० वर्षीय खनाल झापाका अग्रज पत्रकार साथै साहित्यकार हुन् । उनी ‘नयाँ कामना’ साप्ताहिक पत्रिका सम्पादक समेत थिए ।

प्रकाशित : श्रावण ४, २०७५ १०:२३
पूरा पढ्नुहोस्
प्रतिक्रिया
पठाउनुहोस्