विप्लव नेतृत्वको नेकपाका जिल्ला इन्चार्ज पक्राउ
काठमाडौँ — नेत्र विक्रम चन्द्र विप्लव नेतृत्वको नेपाल कम्यूनिष्ट पार्टीका जिल्ला इन्चार्ज योगेन्द्र कुमाल पक्राउ परेका छन् ।
बिहीबार दिउँसो कुमाललाई गोरखा नगरपालिका–१२ दश किलोबाट पक्राउ गरिएको एसपी विमल बस्नेतले बताए ।
‘जबरजस्ती चन्दा माग गरेको सुचना पायौँ, त्यसैको सोधपुछ र अनुसन्धानका लागि नियन्त्रणमा लिएका हौँ,’ एसपी बस्नेतले भने ।
जबरजस्ती चन्दा माग गर्ने उक्त पार्टीका अन्य कार्यकर्ताको पनि खोजी भइरहेको प्रहरी स्रोतले बताएको छ ।