वृत्तचित्र प्रदर्शनीबाट संकलित रकम आश्रमलाई

आश गुरुङ

लमजुङ — लमजुङ समाज यूएईले वृत्तचित्र ‘भाग्यले बाँचेकाहरु’को प्रदर्शनबाट संकलित रकम मानवसेवा आश्रमलाई दिएको छ । 

बेंसीसहरमा बिहीबार आयोजित कार्यक्रममा समाजका संरक्षक अर्जुनबहादुर गौली, वृत्तचित्रका निर्देशक गणेश पाण्डे, जिल्ला समन्वय समिति प्रमुख लोकराज पाण्डे, प्रमुख जिल्ला अधिकारी झंकनाथ ढकाल, बेंसीसहर नगरपालिकाका प्रमुख प्रशासकीय अधिकृत भीमप्रसाद तिवारीलगायतले १ लाख १ हजार १ सय १ रुपैयाँको चेक आश्रमलाई हस्तान्तरण गरे ।

Yamaha


उक्त वृत्तचित्र गत असार १ र २ गते लमजुङ समाज यूएईले दुबई, आबुधाबी र शारजाहमा प्रदर्शन गरेको थियो । च्यारिटी शोबाट संकलित रकम गृहजिल्लाकै परोपकारी संस्थालाई सहयोग गर्न पाउँदा खुसी लागेको समाजका संरक्षक गौलीले बताए ।

बेंसीसहरमा २ वर्षदेखि सञ्चालित मानवसेवा आश्रममा बेवारिसे अवस्थामा सडकमा भेटिएका ९ जना आश्रित छन् । आश्रमको व्यवस्थापन गरिरहेको ‘साँचो जीवन निर्माण अभियान’का संयोजक किसान ‘संगीत नेपाली’ र आश्रमकी संयोजक अनिता अधिकारीले सहयोगी हातको खाँचो रहेको भन्दै लमजुङ समाज यूएई र भाग्यले बाँचेकाहरुको टिमलाई धन्यवाद ब्यक्त गरे ।

२०७२ वैशाख १२ गते नेपालमा गएको शक्तिशाली भूकम्पमा ज्यान बचाउन सफल नेपालीको कथामा बनेको ‘भाग्यले बाँचेकाहरु’ ले १७ वटा अन्तर्राष्ट्रिय अवार्ड जितेको छ भने १३ वटा भाषामा अनुवाद भएको निर्देशक पाण्डेले बताए ।

प्रकाशित : श्रावण २४, २०७५ १८:५८
प्रतिक्रिया
पठाउनुहोस्

पर्यटक ल्याउन/पठाउन कोरियाली दूतावासले सघाउने

कोरियामा रहेका कामदारका आफन्तलाई त्यता पठाउन कोरियाली दूतावासले टुर प्याकेज बनाई पठाउन सघाउने 
कान्तिपुर संवाददाता

काठमाडौँ — नेपालमा कोरियाली पर्यटक बढाउन काठमाडौंस्थित कोरियन राजदूतावास र कोरिया टुर एण्ड ट्रेकिङ्ग अपरेटर्स एशोशिएसन(नेपाल)बीच समझदारी भएको छ । 

बिहीबार ठमेलमा आयोजित कार्यक्रममा नेपालका लागि कोरियाका राजदूत पार्क योङ सिक र एशोशिएसनका अध्यक्ष अमर बहादुर शाहीबीच समझदारीपत्रमा हस्ताक्षर भएको हो ।

एशोशिएसनका अनुसार, कोरियाली दूतावासले नेपाल सरकारले सन् २०२०का लागि तय गरेको नेपाल भम्रण वर्षलाई समेत मध्यनजर गर्दै आफ्ना मुलुकका नागरिकहरुको नेपालमा आवागमन बढाउन मद्दत गर्ने छ ।

उसले कोरियाली नागरिकहरुको सुरक्षालाई ध्यानमा राख्दै एशोशिएसनलाई सघाउन भनेको छ । यसैबीच एशोशिएसनले नेपालका विभिन्न हिमाली भेग लगायतका पर्यटकीय क्षेत्रमा जाने कोरियाली पर्यटकहरुका लागि आपतकालीन अवस्थामा सेल्टरको व्यवस्था गर्ने भएको छ ।

‘कुनै कोरियाली नागरिक विरामी परे वा खर्च अभाव लगायतका समस्यामा परे हामीले सघाउने समझदारी गरेका छौँ,’ अध्यक्ष शाहीले भने, ‘हेलिकप्टरबाट उद्धार गर्नुपर्ने अवस्था आइपरे वा कतै बास बस्नु परे हामीले लुक्ला, अन्नपुर्ण लगायतका क्षेत्रमा कोरियाली पर्यटकहरुका लागि सेल्टर तोकेका छौँ ।’

एशोशिएसनले देशभरका पर्यटकीय स्थलमा गाइड बिना एक्लै हिडेर अप्ठ्यारो अवस्था खेप्न सक्ने कोरियाली पर्यटकहरुका लागि विभिन्न होटलहरुलाई सेल्टर तोक्ने काम गर्ने छ ।

यसैबीच नेपालका विभिन्न पर्यटकीय रुटमा कोरियन खानाहरुको मेनु पनि विस्तार गर्न एशोशिएसनले सघाउने भएको छ ।

त्यसैगरी पछिल्लोपटक कोरियामा रहेका नेपालीहरुका आफन्त भेटघाटका लागि दुतावासले सघाउने भएको छ । एशोशिएसनमार्फत् दूतावासले टुर प्याकेज बनाई कोरियामा रहेका नेपाली कामदारका आफन्तलाई पठाउन सघाउने छ ।

प्रकाशित : श्रावण २४, २०७५ १८:३८
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT