लागु औषधसहित युवक पक्राउ
स्याङ्जा — पुतलीबजार नगरपालिका–१ स्थित ट्याकसीचोकमा पैदल हिडेका एक युवालाई प्रहरीले लागु औषधसहित पक्राउ गरेको छ ।
शुक्रबार साँझ कास्कीकाे पोखरा लेखनाथ महानगरपालिका बसपार्क घर भएका २४ वर्षीय सन्तोष रानाभाटलाई पक्राउ गरेको हो ।
अस्वभाविक रुपमा हिडिरहेको देख्दा शंका लागेर चेकजाँच गर्ने क्रममा पाइन्टको दुवै खल्तीमा डाइजेपाम २० पिस, फेनारगन २० पिस, नुरफिन २० गरी ६० पिस र नाइट्रेजेपाम १० ट्याब्लेट लागु औषध फेला पारि नियन्त्रणमा लिइएको जिल्ला प्रहरीले जनाएको छ । रानाभाटबारे थप अनुसन्धान जारी रहेको प्रहरीले बतायो ।
प्रकाशित : भाद्र ९, २०७५ १०:५२प्रतिक्रिया