रानीवनमा कुहिएकाे अवस्थामा शव फेला
पोखरा — पोखरा–२२ रानीवनमा एक व्यक्तिको शव फेला परेको छ । ड्यामसाइट पारीको रानीवनमा सडेगलेको अवस्थामा बुधवार बिहान शव फेला परेको हो ।
स्थानीयले शव देखेर प्रहरीलाई खबर गरेका थिए । शव कसको भन्ने पहिचान भइनसकेको प्रहरीले जनाएको छ ।
शव पोस्टमार्टमका लागि क्षेत्रीय अस्पताल लगिएको छ । शव नजिकै पावर बैंकमा चार्ज गरिराखिएको मोबाइल फेला परे पनि पानीले भिजेका कारण खुल्न सकेको छैन । शव सडेकाे अवस्थामा भएकाले केही दिन अगाडि नै मृत्यु भएको प्रहरीले अाशंका गरेकाे छ ।
प्रकाशित : भाद्र २०, २०७५ १३:४९प्रतिक्रिया