उपमेयरद्वारा नगरपालिकामा तालाबन्दी

नगरपालिकाको हिसावकिताव गोलमाल गरेको उपमेयर लगाएत कांग्रेसका जनप्रनिधिको आरोप
नारायण शर्मा

नवलपरासी — मेयर र प्रमुख प्रशासकीय अधिकृतले हिसाबकिताब गोलमाल गरेको आरोप लगाउँदै उपमेयर विष्णु कँडेलसहित कांग्रेसका १८ जनप्रतिनिधिले गैंडाकोट नगरपालिकामा तालाबन्दी गरेका छन् ।

मेयर छत्र पौडेल र प्रमुख प्रशासकीय अधिकृत रामप्रसाद आचार्यले गत असारमा गरिएका भुक्तानी र खर्चको हिसाब देखाउन नमानेको उपमेयर कँडेलले बताइन । कांग्रेस नगर सभापति तारापति खरेलसहितको उपस्थितिमा कँडेलसहितका जनप्रतिनिधिले आचार्यको कार्यकक्षमा ताला लगाइदिएका छन् । मेयरको कार्यकक्षमा ताला लगाउन उनीहरू पर्खिएपनि पौडेल कार्यालय समयभरि बाहिर निस्केनन् ।

Yamaha


नगरपालिकाको आर्थिक गतिबिधि पारदर्शी नदेखाएर भ्रष्टाचार गरेको आरोप उपमेयर कँडेलको छ । सबैजसो बैठकका निर्णय बस्दाबस्दै लेख्नुपर्नेमा दुइजना मात्रै बसेर लेख्ने गरेको उनले बताइन । यता मेयर पौडेलले भने उपमेयरले माग्दैमा हिसाबकिताब देखाउन नपर्ने बताए ।

उपमेयरले हिसाब हेर्न खोज्ने अधिकार नभएको, हिसाब हेर्नपरे अख्तियार जान उनले चुनौती दिए । नगरपालिकाको हिसाब किताब र सबै सम्पत्ति जोगाउने दायित्व मेयरमा निहित भएकाले आफुले उपमेयर एक्लैलाई हिसाब देखाउदा उनले कागजात हिनामिना गर्न सक्ने आफूलाई लागेको उनको भनाइ छ । ‘म हिसाब सार्वजनिक गर्न तयार छु तर, उपमेयरलाई होइन अरुलाई,’ उनले भने । तालाबन्दी गरिएपछि नगरपालिकामा मंगलवार सर्वसाधारणको कामकाज प्रभावित भएको छ ।

गैडाकोटमा उपमेयरसहित कांग्रेसका १८ र मेयरसहित नेकपाका १० जना जनप्रतिनिधि छन् । बहुमतमा रहेको कांग्रेसले मेयर छत्र पौडेलले गर्ने जिम्मेवारीका काममा समेत हस्तक्षेप गर्ने प्रयास गर्दै आएको छ । मेयर पौडेलले पनि उपमेयर सहितको बहुमतलाई अस्वीकार गर्दै आएकाले दुइ पक्षबीच किचलो बढै गएको छ ।


Esewa Pasal

प्रकाशित : भाद्र २६, २०७५ २०:४६
प्रतिक्रिया
पठाउनुहोस्
ADVERTISEMENT
ADVERTISEMENT

भारतीय अभिनेता सिन्हा शाश्वतधाम आउँदै 

नारायण शर्मा

नवलपरासी — भारतीय चर्चित अभिनेता शत्रुघन सिन्हा दुम्कौलीमा रहेको शास्वतधाममा मंगलबार पूजाआजाका लागि आउने भएका छन् । ७२ वर्षीय सिन्हालाई शाश्वतधाममा पूजाआजाका लागि विशेष व्यवस्था मिलाइएको छ । 

काठमाडाैंमा रहेका सिन्हा मंगलबार दिउँसो ३ बजे हेलिकप्टरबाट शास्वतधाम मन्दिरमा आउने तय भएकाले सबै तयारी पूरा भएको चौधरी उद्योगका महाप्रबन्धक मधु पौडेलले जानकारी दिए।

चौधरी फाण्डेसनलले उनको सुरक्षा व्यवस्थाका लागि जिल्ला प्रहरीमा आग्रह गरेको छ। उनले दुम्कौलीस्थित शास्वतधाम मन्दिरमा एक घण्टा विशेष पूजा गर्ने भएका छन्।

उद्योगपति विनोद चौधरीको उद्योग रहेको दुम्कौलीस्थित चौधरी ग्रुप इण्डिस्ट्रियल पार्क हातामा रहेको दक्षिण भारतीय शैलीको एकाम्बरेश्वर महादेव मन्दिर शाश्वतधामका नामले प्रख्यात छ। हिन्दु धर्म अन्तरगतका सबै देवीदेवताको एउटै मन्दिरमा पूजा गर्न सकिने शाश्वतधामको विशेषता हो।

पूजा सकेर उनी चितवनको मेघौलीमा रहेको होटल मेघौली सेराइमा रात बिताउने छन्। भारतको पटनामा जन्मिएका सिन्हा पछिल्लो समय सत्तारुढ भारतीय जनता पार्टीका नेता समेत हुन्। उनी भाजपाबाट २ पटक निर्वाचित सांसद र एक पटक स्वास्थ्य मन्त्री भइसकेका छन्।बुधबार उनको काठमाडाैं फर्कने कार्यक्रम रहेको चौधरी ग्रुपले जानकारी दिएको छ।

प्रकाशित : भाद्र २५, २०७५ १४:५९
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT