चार घण्टादेखि राजमार्ग अवरुद्ध, पानी खाना नपाएको यात्रुको गुनासो

दसैंका लागि पूर्व–पश्चिम हिँडेका हजारौं यात्रु अलपत्र परेका छन् । घटनास्थलमा प्रहरी छैनन् । गाडी चालकहरुले आफूखुसी उछिन्न खोज्दा दोहोरो जाम परेको प्रहरीले जनाएको छ ।

दाउन्ने पूर्वतर्फका गाडीको लाम अरुणखोलाको जंगलसम्म र पश्चिमतर्फ चिसापानीसम्मको सडक खण्डमा जाम छ । प्रहरीका अनुसार अरुणखोला र चिसापानीसम्मको दूरी करिब २० किलोमिटर छ । गाडी जाममा परेपछि यात्रुहरु जंगल क्षेत्रमा टहलिएर बसेका छन् । उनीहरुले पानीसमेत खाना नपाएको गुनासो गरिरहेका छन् ।

जाम कतिखेर खुल्ने भन्ने एकीन छैन । जिल्ला ट्राफिक प्रहरी कार्यालयले भने पल्टिएको गाडी उठाउन होङ्सी सिमेन्टबाट क्रेन मगाइएको जनाएको छ ।