दमौली — पृथ्वी राजमार्गमा पर्ने तनहुँको आबुखैरेनी २ नारीघाटमा आइतबार बस पल्टिँदा २३ जना यात्रु घाइते भएका छन् । बेंसीसहरबाट मुग्लिन जाँदै गरेको ना ४ ख ७८४२ नम्बर बस अन्यन्त्रित भई पल्टिँदा यात्रु घाइते भएको इलाका प्रहरी कार्यालय आबुखैरेनीले जनाएको छ ।
घाइते सबै यात्रुको आबुखैरेनीस्थित छिम्केश्वरी अस्पतालमा उपचार भइरहेको छ । बसमा ४० जना यात्रु थिए । बस सडकबाट १५ मिटर तल खसेको प्रहरीले बताएको छ ।