वेनीको पानी कोटमा
गलेखामकोट, तनहुँ — अग्लो डाँडा । डाँडाको टुप्पामा चौबिसे राजाका पालाको हतियार भण्डार । हतियारसँगै भैरवी भैरवीको मन्दिर । गलेखाम कोटमा अझै पनि नेपाल एकीकरणभन्दा पहिलेका हतियार देख्न पाइन्छ ।
व्यास नगरपालिका वडा नं ६ मा पर्ने साविक श्याम्घा गाविसको यो कोटमा यसपालिको महानवमीमा विशेष पूजा गरियो ।
यो पूजा किन विशेष थियो भने पुजाका लागि मादी सेती वेनीबाट एकाबिहानै पानी ल्याइएको थियो ।
दमौलीबाट करिब १८ किलोमिटर दुरीमा पर्ने कोटसम्म कलशमा पानी पुर्याउनका लागि बिहान ५ बजे नै अम्रेनी, बासपानीबाट गाउँलेहरु दमौली पुगेका थिए ।
जल कशल लिएर आएको टोलीलाई ठाउँ ठाउँमा बाजागाजा सहित स्वागत गरिएको थियो ।
गलेखाम कोट भैरवी पर्यटन क्षेत्र विकास समितिले आयोजता गरेको यो पुजामा व्यास नगरका मेयर बैकुन्ठ न्यौपानेलगायत सहभागी थिए ।
कोटमा चार तलाको भ्यूटावर पनि निर्माणाधीन छ । भ्युटावरबाट पोखरा सहर, फेवाताल, मादि नदि र वरपरका क्षेत्रहरु देख्न सकिने समितिका सदश्य चन्द्रकान्त भण्डारीले बताए ।
प्रकाशित : कार्तिक ५, २०७५ १८:०३
