स्कुल बसको ठक्करले वृद्धको मृत्यु

कार्तिक ३०, २०७५आश गुरुङ

लमजुङ — बेंसीसहर नगरपालिका १ उदिपुरमा स्कुल बसको ठक्करले एक वृद्धको मृत्यु भएको छ । उदिपुरमा संचालित गोल्डेन फ्युचर एकेडेमीको ना३ख ७३९४ नं अंकित बसले ठक्कर दिँदा पैदलयात्री बेंसीसहर नगरपालिका ४ पुरानकोटका ७३ वर्षीय टंकबहादुर गुरुङको मृत्यु भएको प्रहरीले जनाएको छ ।

इन्सपेक्टर बसन्त पाण्डेका अनुसार शुक्रबार बिहान करिब सवा ९ बजे विद्यार्थीसहित स्कुल जाँदै गरेको बसले बेंसीसहर–डुम्रे सडकको उदिपुर नजिकै खहरेखोलामा गुरुङलाई ठक्कर दिएको र घटनास्थलमै मृत्यु भएको हो । बस र बसका चालक सुन्दरबजार नगरपालिका ८ का रोहित कार्कीलाई जिल्ला प्रहरी कार्यालयको नियन्त्रणमा राखिएको प्रहरीले बताएको छ ।