महिलासहित ६ जुवाडे पक्राउ

कान्तिपुर संवाददाता

लमजुङ — प्रहरीले एकजना महिला जुवाडेसहित ६ जनालाई पक्राउ गरी कारबाही प्रक्रिया अघि बढाएको जनाएको छ ।लमजुङको सुन्दरबजार नगरपालिका ५ खहरे माथिको डाँडामा कौडा (जुवा) खेल्दै गर्दा उनीहरुलाई पक्राउ गरेको हो । प्रहरीले उनीहरुको नाम सार्वजनिक गरेको छैन । 

Yamaha

डीएसपी यादव ढकालका अनुसार बिहीबार बिहानीपख हारजितको बाजी राखेर कौडा खेल्दै गरेको सूचनाको आधारमा गएको प्रहरीले उनीहरुलाई पक्राउ गरेको हो । प्रहरीले उनीहरुको साथबाट १६ थान कौडासहित ५ हजार १ सय ९५ रुपैयाँ बरामद गरेको छ ।

प्रहरीले रकमभन्दा पनि नामुद जुवाडे समातेको दाबी गरेको छ । ती महिलाले लमजुङमै ठूलो मात्रामा जुवा खेलाउँदै आएको र खेल्दै आएको सूचनाको आधारमा उनको पिछा गरेको प्रहरीले जनाएको छ ।

पक्राउ गरिएकालाई जिल्ला प्रशासन कार्यालयबाट ७ दिनको म्याथ थप गरेर थप अनुसन्धान थालिएको डीएसपी ढकालले बताए ।

प्रकाशित : मंसिर २१, २०७५ १८:३५
प्रतिक्रिया
पठाउनुहोस्
ADVERTISEMENT

संसद् अधिवेशन चाँडै बोलाउने तयारी : उपसभामुख तुम्बाहाम्फे

कान्तिपुर संवाददाता

काठमाडौँ — उपसभामुख डा. शिवमाया तुम्बाहाम्फेले संसद् अधिवेशन चाँडै बोलाउने तयारी भइरहेको बताएकी छन् । करिब एक महिने बेलायत भ्रमण सकेर शुक्रबार स्वदेश फर्केकी उपसभामुख तुम्बाहाम्फेले त्रिभुवन विमानस्थलमा सञ्चारकर्मीसँग संसद् बैठक बोलाउने तयारी भइरहेको बताइन् । 

उनी बेलायतमा महिलाहरुलाई मताधिकार प्रदान गरिएको सय वर्ष पुगेको सन्दर्भमा नोभेम्बर ८ र ९ मा लन्डनमा महिला सांसदहरुको अन्तर्राष्ट्रिय सम्मेलनमा नेपालको तर्फबाट सहभागिता जनाउन त्यसतर्फ गएकी थिइन् । करिब ८६ मुलुकका महिला सांसदहरुको उपस्थिति रहेको सम्मेलन महिला अधिकार, महिला हिंसा र बालिका शिक्षासँग केन्द्रित थियो । सम्मेलनमा उपसभामुख तुम्बाहाम्फेले बालिका शिक्षाबारेमा धारणा राखेकी थिइन् ।

बेलायतमा रहँदा उनले एनआरएनए, भूपू गोर्खा, नेपाली संघसंस्थाहरुले गरेको कार्यक्रममा सहभागिता जनाएकी थिइन् ।

प्रकाशित : मंसिर २१, २०७५ १६:५६
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT