प्रहरी हवल्दार अझै बेपत्ता

प्रजिअको निवासमा रहेको प्रहरी बिटबाट शुक्रबार दिउँसो औषधि किन्न बाहिरिएका कुमाल कार्यालय र परिवारको सम्पर्कमा नआएको र उनले प्रयोग गर्ने मोबाइल स्विचअफ गरिएको प्रहरीले जनाएको छ । ‘प्रहरीको केन्द्रदेखि तल्लो तहको युनिटसम्म खोजीमा छौं । परिवारले पनि छुट्टै खोजिरहेको छ’ जिल्ला प्रहरी कार्यालयका सूचना अधिकारी लोकबहादुर गुरुङले भने, ‘सुरुम उनको व्यक्तिगत स्वभाव/आनीबानीबारे राम्रो जानकारी थिएन । अहिले खोजी गर्ने क्रममा विभिन्न स्वभाव र स्वास्थ्यको जानकारी संकलन गरिरहेका छौं ।’

प्रजिअको सुरक्षामा खटिएका पीएसओ नै बेपत्ता भएपछि जिल्लाको सुरक्षा खटनपटन र संगठनभित्र व्यक्तिगत प्रोफाइल राख्न प्रहरी चुकेको आरोप लागेको छ । प्रहरी स्रोतका अनुसार बेपत्ता प्रहरी हवल्दार कुमाल बागलुङ र गोर्खा रहँदा पनि यसरी नै बेपत्ता हुने गरेको परिवारले जानकारी गराएको छ ।

जिल्ला अदालत स्रोतका अनुसार यसअघि जिल्ला न्यायाधीशको सुरक्षामा खटाइएका व्यक्तिगत सुरक्षा अधिकारी (पीएसओ) एक प्रहरी हवल्दार पनि यसरी नै विनाजानकारी लामो समय बेपत्ता भएका थिए । सम्पर्कमा आएपछि उनले सेवाबाट नै राजीनामा गरेका थिए ।