नवलपरासीका दुई स्थानमा शंकास्पद वस्तु  

नारायण शर्मा

नवलपरासी — पूर्वी नवलपरासीको पूर्वपश्चिम महेन्द्रराजमार्गलाई लक्षित गरी दुई स्थानमा शंकास्पद वस्तु राखिएको पाइएको छ । नेत्रविक्रम चन्द समूहले बिहीबार आव्हान गरेको नेपाल बन्दलाई लक्षित गरी शंकास्पद वस्तु राखिएको अनुमान प्रहरीको छ ।

पूर्वी नवलपरासीको गैडाकोट नगरपालिका १३ र १४ को बीचमा पर्ने बेल्डिया पुलमा रातो झोलामा शंकास्पद वस्तु भेटिएको छ । बिहान पाँच बजेतिर उक्त वस्तु फेला परे पछि सडक अवरुद्ध छ ।

घटनास्थललाई प्रहरीले सुरक्षा घेराभित्र राखेको छ भने शंकास्पद वस्तु डिस्पोज गर्न सेनाको टोली त्यसतर्फ प्रस्थान गरेको छ ।
त्यसैगरी देवचुली नगरपालिका २ मा रहेको दुम्कौली हेल्थ पोष्ट अगाडि पनि रातो झोलामा शंकास्पद वस्तु फेला परेको छ ।

दुम्किौली हेल्थ पोष्ट अगाडि लक्ष्मी नारायण वस्त्रालय लेखेको कपडाको झोला भित्र प्लाष्टिकमा बेरेर राखिएको शंकास्पद वस्तु फेला परेको हो ।

बन्दका कारण सवारी साधन छिटफुट संचालनमा रहेको भए पनि सडकका ठाउाठाउामा शंकास्पद वस्तु फेला परे पछि प्रहरीले नै सवारी साधनलाई ठाउँठाउँमा रोकेर राखेको छ ।बन्दका कारण बजार सुनसान देखिएको छ ।

बुधबार साँझ चौधरी उद्योग अगाडि विस्फोट भएको थियो भने अरुणखोलामा राके जुलुस निकाल्ने क्रममा पुरुषोत्तम रेग्मी फक्राउ परेका थिए । महेन्द्रराजमार्गमा मोटरसाइकल बाहेक चलेका छैनन् । राजमार्गमा प्रहरीको सक्रियता बढाइएको छ ।

प्रकाशित : वैशाख ५, २०७६ ०८:३०
प्रतिक्रिया
पठाउनुहोस्

जिप दुर्घटनामा चालकको मृत्यु

माधव अर्याल

पाल्पा — रम्भा गाउँपालिका-५, ताँहु देउरालीमो जिप दुर्घटनामा ३० वर्षीय चालक लालबहादुर सिंजालीको मृत्यु भएको छ । रम्भा गाउँपालिका-५, ताहुँको मलेङ्बाट ताँहु बजारतर्फ आउँदै गरेको  लु १ ज १७८६ नम्बरको जिप बुधबार बेलुकी दुर्घटनामा परेको हो ।

रम्भा-२, फोक्सिङकोट सुरमडाँडाका सिंजाली दुर्घटनामा घाइते भएको र उपचारको क्रममा लुम्बिनी मेडिकल कलेजमा मृत्यु भएको प्रहरी नायव उपरीक्षक कृष्ण सापकोटाले बताए।

मलेङमा सामान छाडेर ताँहु र्फकने क्रममा उकालोमा ब्रेक फेल भई पछाडि हट्दा दुर्घटनामा भएको प्रहरीले जनाएको छ। दुर्घटनाग्रस्त जीप सडकबाट झण्डै २ सय मिटर तल खसेको स्थानीयले बताए। दुर्घटनामा चालकका दाजु देवबहादुर सिंजाली पनि घाइते भएका छन्। घाइतेको प्रभासमा उपचार भइरहेको छ।

प्रकाशित : वैशाख ५, २०७६ ०८:२०
पूरा पढ्नुहोस्
प्रतिक्रिया
पठाउनुहोस्