दुई मोटरसाइकलमा आगजनी
स्याङ्जा — अर्जुनचौपारी गाउँपालिका–१ मा शनिबार राति अज्ञात समूहले मोटरसाइकलमा आगजनी गरेका छन् । घर नजिकै पार्किङ गरी राखेका २ वटा मोटरसाइकललाई राति आगजनी गरेको प्रहरीले जनाएको छ ।
स्थानीय दिनेश गुरुङको ग.१२.प ५०२ नम्बरकाे पल्सर २२० सिसी र साजन गुरुङकाे ४१६८ नम्बरको पल्सर १८० सिसीको मोटरसाइकलमा आगजनी भएको स्थानीय ललित थापाले जानाकारी दिए ।
उक्त ठाउँमा दिनेशले पहिलो दिन र साजनले एक साता अघिबाट मोटरसाइकल रोखेको बताएका छन् ।
आगजनीको बारेमा अनुसन्धान अगाडि बढाएको जिल्ला प्रहरी प्रमुख एसपी राजकुमार लम्सालले बताए ।
एकवर्ष अघि पनि यहाँ एक मोटरसाइकल र ४ वर्ष पहिला घरमा आगजनी भएको थियो ।
प्रतिक्रिया