दुर्घटनामा एकको मृत्यु १२ घाइते 

नारायण शर्मा

नवलपरासी — पूर्वी नवलपरासीमा भएका दुई सवारी दुर्घटनामा १ जनाको मृत्यु भएको छ भने १२ जना घाइते भएका छन् । बिहान पौने ५ बजेतिर रजहर चोकदेखि करीब ५ सय मिटरपूर्व पूर्व-पश्चिम लोकमार्गअन्तर्गत ओएसिस चोकमा बसले पैदलयात्रीलाई ठक्कर दिँदा पैदलयात्रीको घटनास्थलमै ज्यान गएको इलाका प्रहरी कार्यालय रजहरले जनाएको छ ।

प्रहरीका अनुसार पूर्वबाट पश्चिम जाँदै गरेको लु २ ख १४९३ नम्वरको वसले देबचुली १६ रजहरकी ७५ वर्षीया वृद्धा राधिका अधिकारीलाई ठक्कर दिदाँ घटनास्थमै उनको मृत्यु भएको हो ।
त्यस्तै पूर्व-पश्चिम राजमार्गअन्तर्गत मध्यबिन्दु ८ चोरमाराको फूलबारीमा २ वटा सवारी साधन जुद्धा १२ जना घाइते भएका छन् । उनीहरुध्ये २ जना सख्त छ । चोरमारा प्रहरीका अनुसार बुधबार बिहान पश्चिमबाट पूर्वतर्फ जाँदै गरेको ना ७ ख ६३ नम्बरको ट्रक र विपरीत दिशा काठमाडौंबाट सुर्खेतका लागी छुटेको बस फूलबारीमा ठोक्किएर दुर्घटना भएको हो ।

सख्त घाइते २ जनाको पुरानो मेडिकल कलेज भरतपुरमा र अन्य घाइतेको मध्यबिन्दु सामुदायिक अस्पताल डण्डामा उपचार भइरहेको प्रहरी कार्यालय चोरमाराका प्रहरी नायव निरीक्षक भीमप्रसाद धितालले जानकारी दिए । दुबै सवारी साधनका चालक र सवारी साधन प्रहरीले नियन्त्रणमा लिएको छ ।

प्रकाशित : असार १८, २०७६ ०९:४१
ADVERTISEMENT
प्रतिक्रिया
पठाउनुहोस्

ट्रक र माेटरसाइकल ठाेक्किँदा दुईकाे मृत्यु

नारायण शर्मा

नवलपरासी — पूर्वपश्चिम राजमार्गअन्तर्गत नवलपरासीको कावासोती–८, स्थित जंगललमा ट्रकले मोटरसाइकललाई ठक्कर दिँदा दुईजनाको मृत्यु भएको छ । 

सोमबार बिहान ५:१५ बजेको समयमा खरकट्टा जगलस्थित पूर्व पश्चिम महेन्द्र राजमार्गमा पूर्वबाट पश्चिमतर्फ आइरहेको लु २ ख १० नम्बरको ट्रक र विपरीत दिशाबाट गइरहेको लु ४९ प ३६२५ नम्बरको मोटरसाइकल एकआपसमा ठक्कर खाँदा दुईजनाको मृत्यु भएको हो ।

जिल्ला प्रहरी कार्यालय नवलपुरका अनुसार मृत्यु हुनेमा मोटरसाइकल चालक रुपन्देही देवदह नगरपालिका–७ बस्ने २७ वर्षीय मिलन भट्टराई र सोही ठाँउ बस्ने ३३ वर्षीय तारा पोख्रेल रहेका छन् । ठक्करबाट गम्भीर घाइते दुवैकाे कालीगण्डकी अस्पताल कावासोतीमामृत्यु भएकाे हाे । ट्रक र चालक प्रहरीको नियन्त्रणमा रहेको जिल्ला प्रहरी कार्यलय नवलपुरले जानकारी दिएको छ ।

प्रकाशित : असार १६, २०७६ १०:१२
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT