रिभल्बरसहित एक पक्राउ
गुलरिया — बारबर्दिया—९ कतरनियाबाट प्रहरीले रिभल्बरसहित एक जनालाई पक्राउ गरेको छ ।
प्रहरीले अवैध हतियार लुकाई राखेको सूचनाको आधारमा स्थानिय देवीराम रिमालको घरमा छापा मारेको थियो ।
ईलाका प्रहरी कार्यालय बासगढीका प्रहरी निरीक्षक चक्र डम्बर पाल नेतृत्वको टोलीले रिमालको भान्सा कोठामा खाल्डो खनेर राखेको अवस्थामा रिभल्बर फेला पारेको हो ।
प्रहरीले रिमालमाथि हातहतियार तथा खरखजना ऐन अन्तर्गत मुद्दा दायर गरेको छ ।