प्रदेश नम्बर ५ लाई मुलुककै समृद्ध प्रदेश बनाउँछु : मुख्यमन्त्री पोखरेल
नेपालगन्ज — मुख्यमन्त्री शंकर पोखरेलले प्रदेश नम्बर ५ लाई सिंगो नेपालको प्रतिनिधित्व गरेको भन्दै मुलुककै समृद्ध प्रदेश बनाउने प्रतिबद्वता जनाएका छन् । त्यसका लागि निजी क्षेत्रसँग सहकार्य आवश्यक रहेको उनको भनाइ छ ।
उनले निजी क्षेत्रमा हुने लगानी सुरक्षाको ग्यारेन्टी प्रदेश सरकारले गर्ने बताए ।
५ नम्बर प्रदेश बुद्धभूमिसँगै सिंगो नेपालको संस्कृति तथा पर्यटनको प्रतिनिधित्व गर्दै आइरहेको बताए ।
लायन्स क्लब इन्टरनेशल ३२५ बी २ को छैटौं कन्भेसनलाई शनिबार सम्बोधन गर्दै उनले अबको पालो विकास र समृद्धि रहेको बताए । उनले परम्परागत व्यवसाय र कृषि प्रणालीले मुलुकमा विकास सम्भव नभएको दाबी गरे ।
प्रकाशित : चैत्र १७, २०७४ १४:२८