५ किलो अफिमसहित तीन जना पक्राउ
दाङ — ५ किलो अफिमसहित दाङमा ३ जना पक्राउ परेका छन् । लागू औषध कारोबार भइरहेको सूचनाका आधारमा प्रदेश ५ प्रहरी अनुसन्धान समूह र जिल्ला प्रहरी कार्यालयको टोलीले ५ किलो २ सयग्राम अफिमसहित आइतबार राति घोराहीबाट ३ जनालाई पक्राउ गरेको हो ।
पक्राउ पर्नेमा रोल्पा पाछाबाङ–७ घर भई घोराही–१२ बस्ने ३१ वर्षीय शक्तिराम वली, रुकुम भूमे गाउँपालिका–८ का २७ वर्षीय एलनकुमार रोका मगर र भूमे–६ का २८ वर्षीय देवबहादुर ओली छन् ।
शक्तिरामको साथमा रहेको झोलामा प्लास्टिकको पोकाभित्र लुकाईराखेको अवस्थामा अफिम बरामद भएको जिल्ला प्रहरी कार्यालयका डीएसपी रामप्रसाद घर्तीले बताए ।
प्रकाशित : जेष्ठ २१, २०७५ १९:१३प्रतिक्रिया
