बीउ राँगो वितरण

कान्तिपुर संवाददाता

अर्घाखाँची — दूध उत्पादन बढाउन भूमिकास्थान नगरपालिका र जिल्ला पशु सेवा कार्यालयले कृषकलाई १० वटा उन्नत जातका मुर्रा राँगो वितरणको खबरले ढिकुराका ओमप्रकाश खनाल उत्साहित छन् ।

मुर्रा राँगोको वीर्य र स्थानीय जातको भैंसीबाट जन्मिएकाले ६ लिटरसम्म दूध दिने उनको दाबी छ । ‘ब्याएको एक वर्ष अवधिमै भंैसी फेरि गर्भाधान हुन्छ । त्यसैले भंैसीलाई उन्नत राँगो नै लगाइदिन्छु,’ उनले भने, ‘त्यसैबाट धेरै दूध उत्पादन गर्ने र बिक्री गरेर परिवार पाल्ने खर्च जुटाउँछु ।’


भैंसीको दूध प्रतिलिटर ५५ रुपैयाँमा बिक्री हुन्छ । दुई–चारवटा भैंसी पाल्न घाँस प्रशस्त छ । विदेश कतै नगई भैंसी पालन व्यवसाय सञ्चालन गर्ने मन रहेको उनले बताए । दुई दुहुना भैंसी र दुई पाडी छन् । ‘भैंसी पालन विस्तार गर्छु,’ उनले भने, ‘दूध बेचेर घरखर्च र छोराछोरीको पढाइ खर्च जुटाउँछु ।

Yamaha


रोजगारी खोज्दै विदेश जान्न ।’ गोठमा भैंसी र बाख्रा छन् । खेतबारीमा मलका लागि पालिएका छन् । ढिकुराबाट सन्धिखर्क बजार नजिकै छ । १ सय ५० कृषकले बिहान १, २ लिटर दूध बोकेर बजार पुग्छन् । ‘नुन, तेल र चामल किन्न गुजारा चलेको छ,’ शान्ता खनालले भनिन्, ‘व्यावसायिक रूपमै पाल्ने योजना छ । एउटा दुहुनो र अर्काे ब्याउने छ । तीन पाडी छन् ।’

प्रकाशित : जेष्ठ २९, २०७५ १०:१२
ADVERTISEMENT
प्रतिक्रिया
पठाउनुहोस्

३ स्थानीय तहद्वारा जलजलामा दाबी

मन्दिरको भेटीमा सबैको दाबी
काशीराम डाँगी

रोल्पा — जिल्लाका तीन स्थानीय तहले धार्मिकस्थल जलजला आफ्नो क्षेत्रमा पर्ने दाबी गरेपछि विवाद सुरु भएको छ । रोल्पा नगरपालिका, थबाङ र सुनछहरी गाउँपालिकाले जलजलाको भूगोल आफ्नोमा पर्ने दाबी गरेका हुन् ।

जलजलामा वर्षमा तीनपटक बराह पूजा लाग्छ । यसको क्षेत्र साबिकका थबाङ, मिरुल, धबाङ, जेलबाङ र उवा गाविसमा रहेको थियो । नयाँ संरचनापछि उक्त क्षेत्र रोल्पा नगरपालिकासहित तीन तहअन्तर्गत बाँडिएको हो । यसलाई आधार मानेर धार्मिक पर्यटन विकासको चर्चा चलिरहेको छ । भूगोललाई लिएर विवाद भएपछि यस क्षेत्रको भौतिक विकासमा भने बाधा हुने देखिन्छ ।


त्यहाँका मन्दिर, पोखरी तथा गुफा क्षेत्रको आम्दानी थबाङले लिँदै आएको थियो । साबिकका उवा, थबाङ र मिरुल गाभेर बनाइएको थबाङ गाउँपालिकाले अहिले पनि एकलौटी आम्दानी लिने योजना बनाएको छ । ‘जलजलाबाट हुने आम्दानी थबाङले लिन्छ । वर्षौंदेखि चलिआएको हो,’ थबाङका पूर्वशिक्षक ग्रीस पुनले भने, ‘नयाँ परिवेशमा छलफल पनि गर्न सकिन्छ ।’ अधिकांश भूगोल आफ्नो क्षेत्रमा पर्ने दाबी गर्दै सुनछहरीले आम्दानीको हिस्सा दाबी गरेको छ । गाउँपालिका अध्यक्ष आशबहादुर पुन मगरले २० वर्षदेखि अन्तरविरोध कायम रहेको बताए । ‘जुन क्षेत्रलाई जलजला भनिएको छ, त्यो हाम्रो गाउँपालिकाभित्र पर्छ,’ पुनले भने, ‘आम्दानी पनि भूगोलअनुसार पाउनु जायज हुन्छ ।’ त्यहाँ वैशाख, जेठ र साउने पूर्णिमाका दिन बराह पूजा गरिन्छ । त्यसबेला जिल्लाबाहिरबाट श्रद्धालुको भीड लाग्ने गर्छ । त्यहाँ भेडाको बलि दिने परम्परा छ । पूजामा सहभागी भएबापत निश्चित भेटी (रकम) तिर्दै
आएका छन् ।


आम्दानीबाट साबिकको थबाङस्थित विद्यालयको खर्च जुटाउने गरिएको हो । बराह मन्दिरका पुजारीमा थबाङकै रोका मगरलाई नियुक्त गर्ने चलन छ । थबाङ गाउँपालिका अध्यक्ष वीरबहादुर घर्तीमगरले जलजला क्षेत्रको विकास योजना बनाउने तयारीमा रहेको बताए । ‘यस क्षेत्रको विकास गर्न आउँदो वर्षमा विशेष योजना ल्याइनेछ,’ उनले भने, ‘समुद्र सतहदेखि जलजला करिब ३ हजार १ सय मिटर उचाइमा पर्छ । यस क्षेत्रमा धेरै प्रकारका जडीबुटी पाइनुका साथै विभिन्न प्रकारका जंगली जनावरसमेत छन् ।’

प्रकाशित : जेष्ठ २९, २०७५ १०:१२
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT