समुन्नत बुटवलको योजना

उपमहानगरले शुक्रबार प्रस्तुत गरेको आगामी वर्षको नीति तथा कार्यक्रममा ‘सबल आर्थिक केन्द्र र समुन्नत बुटवल’को दीर्घकालीन योजनाका साथ पूर्वाधार तथा पर्यटन, कृषि र उद्योग–व्यापारको थप विकास गर्ने उल्लेख छ ।

जनसहभागितामा आधारित कार्यक्रमलाई अझ परिष्कृत गर्दै प्रतिस्पर्धामा आधारित बनाइने र कामका आधारमा सम्मान गर्ने समेत नीति छ । बुटवललाई विषादीरहित खाद्यवस्तु उपलब्ध हुने सहरका रूपमा पहिचान गराउने, एक घर एक करेसाबारी र कौसी तरकारी खेती कार्यक्रमलाई निरन्तरता दिने योजना रहेको नगरप्रमुख शिवराज सुवेदीले जनाएका छन् ।