रामग्रामको बजेट ६० करोड

तेस्रो नगरसभाले आगामी वर्षका लागि नगरपालिकाको ६० करोड १६ लाख ७१ हजार रुपैयाँ बजेट विनियोजन गरेको हो । सदरमुकाममै ठूला बैठक तथा सभा गर्न व्यवस्थित स्थान नभएको भन्दै सभाले सभागृह निर्माणलाई प्राथमिकतामा राखेको नगरप्रमुख नरेन्द्रकुमार गुप्ताले बताए । परासी बजार व्यवस्थापनका लागि सपिङ मल र अटोभिलेज नगर आफंैले निर्माण गर्न लागेको हो ।

त्यस्ता योजनामा २० प्रतिशत नगरपालिकाबाट र बाँकी रकम बाहिरी स्रोतबाट जुटाउने नगर कार्यपालिकाको लक्ष्य छ । नगरपालिकाले प्रशासनिक खर्चतर्फ १२ करोड ३४ लाख, सामाजिक सुरक्षामा ८ करोड, शिक्षा, स्वास्थ्य विषयगत शाखामा ३७ करोड ८७ लाख रकम विनियोजन गरेको छ । स्वास्थ्यमा बहुक्षेत्रीय पोषण र सुआहारा कार्यक्रम पनि समावेश छ ।