नेपालगन्जमा ५६ वटा सिसिटिभी क्यामरा जडान
नेपालगन्ज — नेपालगन्ज उपमहानगरपालिकाका विभिन्न १६ स्थानमा ५६ वटा सिसिटिभी क्यामेरा जडान गरिएको छ ।
सर्वसाधारणहरुलाई सुरक्षित महसुश गराउन सिसिटिभी क्यामरा जडान गरिएको हो ।
औद्योगिक सहरको रुपमा रहेको नेपालगन्जलाई सुरक्षा प्रणालीसँग जोडेर सुरक्षित महसुश गराउन आधुनिक सुरक्षा प्रणाली अपनाएको नेपालगन्ज सिसिटिभी व्यवस्थापन समितिका अध्यक्ष नन्दलाल वैश्यले बताए ।
समितिले ३३ लाख ९७ हजार २ सय ६८ रकम खर्च गरेर सिसिटिभी जडान गरेको हो । क्यामेरा जडानका लागि ४५ लाख ७६ हजार १ सय संकलन भएको थियो । बाँकी रकम मर्मतसम्हारका लागि खर्च गरिने समितिले जनाएको छ ।
ससिटिभी क्यामराको अनुगमन जिल्ला प्रहरी कार्यालबाट हुने छ ।
प्रकाशित : श्रावण २१, २०७५ १६:४६प्रतिक्रिया