सडकमा शंकास्पद वस्तु भेटियो
प्यूठान — विप्लव समूहले मंगलबार गरेको बन्दका कारण प्यूठानमा जनजीवन प्रभावित भएको छ । बिहानै देखि लामा तथा छोटा दूरीका गाडी चलेका छैनन् । बजार, पसल, विद्यालय सबै ठप्प छन् ।
जिल्लाको बजार क्षेत्र जिबुवार बाग्दुलामा मोटारसाइकल फाटफुट रुपमा चलेका छन् ।
प्यूठान भालुबाङ सडक खण्डको सरुमारानी गाउँपालिका–४ मान्द्रेमा दिउँसो शंकास्पद वस्तु भेटिएको छ । प्रहरीले गाडी स्कर्टिङ गरेर ल्याउन खोज्दा सडकमा शंकास्पद वस्तु देखेको थियो ।
उक्त वस्तुलाई निष्क्रिय बनाउन सेनाको टोली जादै गरेको जिल्ला प्रहरी प्रमुख डिएसपी निर्मल बुढाथोकीले बताए ।
प्रकाशित : श्रावण २९, २०७५ १३:५७प्रतिक्रिया
