प्रदेश ५
भाद्र १४, २०७५

मालपोत अधिकृतसहित ६ विरुद्ध किर्ते मुद्दा

सार्वजनिक जग्गा किर्ते गरेर व्यक्तिका नाममा दर्ता गर्न सघाएको भन्दै मालपोत कार्यालय परासीका अधिकृतसहित ६ जनामाथि मुद्दा दायर भएको छ । जिल्ला प्रहरीले कर्मचारीको मिलेमतोमा जग्गा पास भएको भन्दै उनीहरूमाथि जिल्ला अदालतमा मुद्दा दायर गरेको हो ।

राप्ती उपक्षेत्रीय अस्पताल: चिकित्सक नहुँदा उपचार प्रभावित

राप्ती उपक्षेत्रीय अस्पताल घोराहीमा दरबन्दी अनुसारका चिकित्सक नहुँदा उपचारमा समस्या भएको छ । १ सय २१ जनाको दरबन्दी भएकामा ७९ जनाको मात्रै पूर्ति भएको छ । ४२ स्वास्थ्यकर्मीको पद रिक्त छ ।

पदाधिकारीमै ‘बोली बाराबार’

रूपन्देहीका केही स्थानीय तहका पदाधिकारीबीच आफ्नै सुविधा बढाउने कुरामा विवाद भएको छ । विवाद चर्किंदै जाँदा कार्यालयमा तालाबन्दी र बोली बाराबारसम्मको स्थिति आएको छ ।

ADVERTISEMENT
ADVERTISEMENT

कल्भर्ट बगेपछि थुनिए जिप

सिद्धार्थ राजमार्गको दोभान बजार पश्चिमका विभिन्न क्षेत्रसम्म पुग्ने सडकमा दुई महिनादेखि गाडी गुडेका छैनन् । तिनाउ नदीमा पुल नहुँदा बर्खामा गाडी नचलेका हुन् । दुई वर्षअघिदेखि निर्माण थालिएको पुल अधुरै छ । यस भेगका बासिन्दा सधैं सास्ती बेहोर्न बाध्य छन् ।

बग्दै खेतीयोग्य जमिन

दुई महिनायता नेपाल–भारत सीमास्थित लटकनिया गाउँको करिब पाँच बिघा खेतीयोग्य जमिन बबई नदीको कटानले बगिसकेको छ । तीन वर्षयता बबईको कटानले ५० बिघाभन्दा बढी जमिन बगाइसकेको स्थानीयले बताएका छन् ।

बेपत्ताका परिवारप्रति सरकारको बेवास्ता

विगतको ‘सशस्त्र द्वन्द्व’ को औपचारिक समापन गर्न शान्ति सम्झौता गरेको लामो समय बिते पनि त्यसै द्वन्द्वबाट पीडित भएकालाई न्याय मिलेको छैन । बेपत्ता व्यक्तिका परिवारका सदस्य कसैको नजरमा परेका छैनन् ।

पक्की पुलले यातायात सहज

झिमरुक गाउँपालिका १ स्थित सौतामारेफेदी गर्तङखोलामा पक्की पुल निर्माणले बाग्दुला–पुर्कोटदह सडकमा बर्खामा पनि यातायात सुचारु भएको छ ।