रुपन्देहीमा युवतीको अर्धनग्न अवस्थामा शव फेला 

अमृता अनमोल

बुटवल — रुपन्देहीको सूर्यपुरा पुलमा एक युवतीको अर्धनग्न अवस्थामा शव फेला परेको छ । शुद्धोधन गाउँपालिका–७ दानव नदी छेउमा सोमबार बिहान करिब २२ वर्षीया युवतीको शव फेला परेको हो । 

गाई चराउन गएका स्थानीयले शव देखेर प्रहरीलाई खबर गरेका थिए । स्थानीयको खबरपछि इलाका प्रहरी कार्यालय छपिया र जिल्ला प्रहरी कार्यालयको टोली घटनास्थल गएको थियो ।

Yamaha

युवतीको घाटीमा निलडाम छ । प्रहरीले शव नजिकै महिला र पुरुषका चप्पल फेला पारेको छ ।
युवतीको बलात्कार पछि हत्या गरेको स्थानीयको दाबी छ । हत्या कारण बारे अनुसन्धान भइरहेको प्रहरीले जनाएको छ ।

रुपन्देहीका प्रहरी प्रवक्ता प्रहरी नायब उपरीक्षक कुमोद ढुंगानाले घटनास्थलको अध्ययन र शवको परीक्षणपछि कारण पत्ता लाग्ने बताए । शव अहिले पोष्टमार्टमका लागि भैरहवाको भीम अस्पताल ल्याइएको छ । युवतीको पहिचान समेत नखुलेको प्रहरीले जनाएको छ ।

प्रकाशित : भाद्र २५, २०७५ १३:३२
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

शर्मा र पाण्डेलाई पद्मश्री

कान्तिपुर संवाददाता

काठमाडौँ — खेमलाल–हरिकला लामिछाने प्रतिष्ठान, चितवनले पद्मश्री पुरस्कार र सम्मानको घोषणा गरेको छ ।

पद्मश्री साहित्य पुरस्कार ‘यार’ का लागि नयनराज पाण्डे र पद्मश्री साहित्य सम्मान वरिष्ठ साहित्यकार तारानाथ शर्मालाई प्रदान गरिने भएको प्रतिष्ठान संरक्षक जीवा लामिछानेले जानकारी दिएका छन् । दुवै पुरस्कार र सम्मानमा जनही २ लाख रुपैयाँ र सम्मानपत्र अर्पण गरिन्छ ।

२०७४ भरि प्रकाशित पुस्तकमध्येबाट पाण्डेको संस्मरणात्मक कृतिलाई छनोट गरिएको हो ।
विज्ञप्तिअनुसार, ‘यार’ मा आफ्ना निकट साथीहरूका माध्यमबाट नेपाली समाज, साहित्य र कलाका साथै त्यहाँभित्रका मानिसको मनोदशालाई विशिष्ट शैलीमा प्रस्तुत गरिएको छ अनि लेखकले आफ्ना सीमासहित मित्रताको मूल्यमान्यतालाई आख्यानात्मक शैलीमा प्रस्तुत गरेका छन् ।

त्यस्तै, छ दशकदेखि नेपाली नियात्रा, निबन्ध, समालोचना, आख्यान, अनुवाद र सम्पादनमा विशिष्ट योगदान दिएकाले शर्मा सम्मानित हुन लागेका हुन् । उनी नेपाली साहित्यमा झर्रोवादी अभियानका एक अभियन्ता पनि हुन् ।

पुरस्कार तथा सम्मान आगामी कोजाग्रत पूर्णिमाको दिन राजधानीमा अर्पण गरिने विज्ञप्तिमा उल्लेख छ । ।

प्रकाशित : भाद्र २५, २०७५ १३:१७
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT