रुपन्देहीमा युवतीको अर्धनग्न अवस्थामा शव फेला 

अमृता अनमोल

बुटवल — रुपन्देहीको सूर्यपुरा पुलमा एक युवतीको अर्धनग्न अवस्थामा शव फेला परेको छ । शुद्धोधन गाउँपालिका–७ दानव नदी छेउमा सोमबार बिहान करिब २२ वर्षीया युवतीको शव फेला परेको हो । 

गाई चराउन गएका स्थानीयले शव देखेर प्रहरीलाई खबर गरेका थिए । स्थानीयको खबरपछि इलाका प्रहरी कार्यालय छपिया र जिल्ला प्रहरी कार्यालयको टोली घटनास्थल गएको थियो ।

Yamaha

युवतीको घाटीमा निलडाम छ । प्रहरीले शव नजिकै महिला र पुरुषका चप्पल फेला पारेको छ ।
युवतीको बलात्कार पछि हत्या गरेको स्थानीयको दाबी छ । हत्या कारण बारे अनुसन्धान भइरहेको प्रहरीले जनाएको छ ।

रुपन्देहीका प्रहरी प्रवक्ता प्रहरी नायब उपरीक्षक कुमोद ढुंगानाले घटनास्थलको अध्ययन र शवको परीक्षणपछि कारण पत्ता लाग्ने बताए । शव अहिले पोष्टमार्टमका लागि भैरहवाको भीम अस्पताल ल्याइएको छ । युवतीको पहिचान समेत नखुलेको प्रहरीले जनाएको छ ।

Esewa Pasal

प्रकाशित : भाद्र २५, २०७५ १३:३२
ADVERTISEMENT
प्रतिक्रिया
पठाउनुहोस्
ADVERTISEMENT

स्वतन्त्र प्रेसमाथि कसैले हस्तक्षेप गर्नु हुँदैन : देउवा

अमृता अनमोल

बुटवल — कांग्रेस सभापति शेरबहादुर देउवाले स्वतन्त्र पत्रकारिता र प्रेसमाथि कसैले हस्तक्षेप गर्न नहुने बताएका छन् । 

बुटवलमा आयोजित बुद्ध सामुदायिक टेलिभिजनको ११ औ साधारणसभामा बोल्दै उनले पार्टी विशेषको दबावमा कुनैपनि सञ्चार माध्ययममाथि हस्तक्षेप भए कांग्रेस त्यसको विपक्षमा उठ्ने बताए ।

बुद्ध सामुदायिक टेलिभिजनको अधिवेसन रोक्न रुपन्देहीका प्रमुख जिल्ला अधिकारीले दिएको निर्देशनको बिरोध गर्दै पूर्व प्रधानमन्त्री देउवाले जनताको सिडीओलाई कुनै पार्टीको पक्षधर बन्न र स्वतन्त्र प्रेसको हस्तक्षेपकारी नबन्न आग्रह गरे । साथै काठमाडौंमा गएर समेत यसबारे आवाज उठाउने उनले बताए ।

कांग्रेसका सचेतक बालकृष्ण खाँडले ओली सरकार स्वतन्त्र पत्रकारिता र प्रेस स्वतन्त्रतामाथि हस्तक्षेपमा उत्रेर प्रजातन्त्रको मेरुदण्डमाथि प्रहार गरेको टिप्पणी गरे । कसैले लेख्दैमा वा मन नपर्ने अन्तरवार्ता लिँदैमा पत्रकारको जागिर खोसेको भन्दै उनले कांग्रेसले यसको निन्दा गर्ने बताए ।

प्रजातन्त्रको सवलीकरणका लागि कांग्रेस सधै स्वतन्त्र प्रेसको पक्षमा रहेको भन्दै उनले वर्तमान सरकारलाई प्रेसमाथि निरंकुश बन्ने गल्ती सच्चाउन आग्रह गरे ।

कांग्रेस नेता चन्द्र भण्डारीले विश्वमा सबैभन्दा शक्तिशाली बनेको साधन मिडियामाथि अंकुश लगाउन नहुने बताए । नेतृत्व पावर, पैसा र सम्पत्तिका वरिपरी लाग्दा सर्वसाधरणका समस्या ओझेलमा परेको बताउँदै उनले यस्तो प्रवृत्ति रोक्न आग्रह समेत गरे । अर्का केन्द्रिय सदस्य भरतकुमार शाहले करको भार थोपरेर सर्वसाधरणलाई भयभीत नबनाउन आग्रह गरे ।

बुटवलको बुद्ध सामुदायिक टेलिभिजनको साधारण सभामा सहभागी कांग्रेस सभापति देउवा लगायतका कांग्रेस नेता । तस्बिर : अमृता अनमोल

प्रकाशित : भाद्र २३, २०७५ १५:२२
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT