जिल्लामा एड्स भएर एक वर्षमा १६ जनाको मृत्यु भएको छ । समयमा उपचार नपाउँदा तिनीहरूको मृत्यु भएको हो । गत आव ०७४/७५ मा नौ पुरुष, चार महिला, दुई बालक र एक तेस्रो लिंगीको मृत्यु भएको जनस्वास्थ्य कार्यालयले जनाएको छ ।
नेपालगन्ज– कोहलपुर खण्डको राँझादेखि जमुनाहासम्मको ११ किलोमिटर चार लेन सकड निर्माण अझै पूरा भएको छैन । यो खण्ड निर्माणको जिम्मा पाँच वर्षअघि पप्पु कन्स्ट्रक्सनले पाएको थियो ।
पश्चिम नवलपरासीको भुजहवाका अनिरुद्ध यादव अचेल किनमेलका लागि मोटरसाइकलमा भन्दा पैदलै बजार पुग्छन् । भित्री सडकमा मोटरसाइकल र साइकल चलाउन नसकिने गरी खाडल बनेपछि जोखिम हुने भन्दै उनी पैदल हिँड्न थालेका हुन् ।
साबिक रुकुम जिल्लाको महत गाविसमा द्वन्द्वकालमा सबैभन्दा धेरैले ज्यान गुमाएका थिए । अब त्यही ठाउँबाट शान्तिको सन्देश प्रवाह गर्न गौतम बुद्धको मूर्ति र लडाइँ शृंखलालाई चित्रमा कुँदिने भएको छ ।
गुल्मीको चन्द्रकोट ४ शान्तिपुरमा रहेका पोखरी सुक्दै गएका छन् । यहाँका ७ वडा कर्कलेपोखरी, साउपोखरी, म्यालपोखरी, लाँकुरीपोखरा, सेतीपोखरा, आरूपोखरा गैरीपोखराका नामले चिनिन्थे ।
मुलुककै नमुना तिलौराकोट साझेदारी वनमा वन्यजन्तु बढेका छन् । गतिलो आहार पाएपछि वन्यजन्तु दोब्बर भएका हुन् । पाँच वर्षयता व्यवस्थित रूपमा वनजंगल संरक्षणको काम थालिएको छ ।
रुपन्देहीको सूर्यपुरा पुलमा एक युवतीको अर्धनग्न अवस्थामा शव फेला परेको छ । शुद्धोधन गाउँपालिका–७ दानव नदी छेउमा सोमबार बिहान करिब २२ वर्षीया युवतीको शव फेला परेको हो ।
राप्ती स्वास्थ्य विज्ञान प्रतिष्ठानले लामो समयदेखि गति लिन सकेको छैन । प्रतिष्ठानको गतिरोधले राप्ती उपक्षेत्रीय अस्पतालको सेवासमेत प्रभावित भएको छ । ऐनअनुसार अस्पताल प्रतिष्ठानमा गाभिने भनिए पनि यसबारे थप प्रक्रिया केही चालिएको छैन ।
झूटो विवरण पेस गरेर नागरिकता लिएको विषयमा गम्भीर छानबिन नहुँदै गृह मन्त्रालयबाटै फाइल हराएको छ । छानबिनमा ‘कमजोरी’ देखिएपछि नागरिकता खारेज गर्न स्थानीय प्रशासनले अहिलेसम्म ६ पटक मन्त्रालयमा पत्राचार गरेपनि फाइल नै गायब भएको हो ।
कपिलवस्तु वाणगंगा नगरपालिका ७ धैरेनीडाँडाका धनबहादुर घर्तीको हत्यामा संलग्न भएको आरोपमा प्रहरीले पूर्वी रुकुम बाँधिकोट गाउँपालिका १ का रमेश विकलाई शनिबार सल्यानबाट पक्राउ गरेको छ । विकमाथि घर्तीकी श्रीमती राधासँग मिलेर हत्या गरेको आरोप छ ।