'उपचार अभावमा पहिरोपीडित बालकको मृत्यु'

उनलाई एक महिनादेखि भेन्टिलेटरमा राखिएको थियो ।

आर्थिक अभावका कारण उपचार हुन नसकेर उनको मृत्यु भएको बुबा प्यामाछिरिङ तामाङले बताए । उनका अनुसार दैनिक १० देखि १५ हजारको औषधि उपचारमा खर्च हुने गरेको थियो । भदौ ३० गतेको पहिरोमा परी युकेश गम्भीर घाइते भएका थिए । उनको टाउकोमा ठूलो चोट लागेको थियो ।

उक्त पहिरोमा दुई जनाको घटनास्थलमै मृत्यु भएको थियो । चार जना गम्भीर घाइते भए । घटनापछि मन्त्री, प्रदेश सांसदलगायतले सरकारका तर्फबाट नि:शुल्क उपचार गर्ने आश्वासन दिएका थिए । तर, घाइते बालकको उपचारमा कसैले सहयोग नगरेको प्यामाछिरिङको आरोप छ ।