लागूऔषधसहित दम्पती पक्राउ

रुपदेहीकोसम्मरीमाइ गापा २ बस्ने २५ वर्षीय ओमप्रकाश हरिजन र उनकी श्रीमती २४ वर्षीयागोडिया हरिचनलाई पक्राउ गरिएको सशस्त्र प्रहरी बल नेपाल नम्बर२७ गण रुपन्देहीले जनाएको छ ।

एउटै साइकल चढेर नेपाल आइरहेका दम्पतीलाई सिद्धार्थ नगर नगरपालिका २ म्येउडीहवाको सीमावर्ती क्षेत्रबाट पक्राउ गरिएको हो । उनीहरुको साथबाट डाइजापाम २ एमएलको २ सय पिस, फलारगन २ एमएलको २ सय पिस र नुफिन २ एमएलको २ सय पिस बरामद भएको छ । ती लागूऔषध लेडिज ब्यागमा लुकाएर ल्याइएको थियो ।

पक्राउ परेका दम्पतीलाई लागूऔषधसहित थप अनुसन्धान र कारबाहीका लागि नेपाल प्रहरीलाई जिम्मा लगाइएको गण प्रमुख सशस्त्र एसपी सुदर्शनप्रसाद शर्मा सिलवालले कान्तिपुरलाई बताए ।