तलबको विरोध नगर्न मुख्यमन्त्री पोखरेलको आग्रह

कान्तिपुर संवाददाता

दाङ — प्रदेश ५ का मुख्यमन्त्री शंकर पोखरेलले जनप्रतिनिधिले तलब लिएकामा विरोध नगर्न आग्रह गरेका छन् । स्थानीय तह र निकाय फरक भएकाले तलबको व्यवस्था गरिएको उनले बताए । 

‘स्थानीय तह हिजोको जस्तो होइन । अहिले तलब नलिएर काम गर्न सकिने अवस्था छैन,’ नेकपा दाङले मंगलबार घोराहीमा आयोजना गरेको शुभकामना आदानप्रदान कार्यक्रममा बोल्दै उनले भने, ‘तलब लिएरै जनताको काम गर्ने हो । तलब लिएको कुरालाई अनावश्यक विवादको विषय बनाउनु हुँदैन ।’

Yamaha


जनप्रतिनिधिले जतिसक्यो धेरै समय स्थानीय विकासमा दिनुपर्ने भएकाले पारिश्रमिक दिएर काममा लगाउनुपरेको उनले बताए । अहिलेको संरचनाले जनप्रतिनिधिलाई जनताको काममा बढी समय माग गरेको उल्लेख गर्दै उनले समयको मूल्य दिन आवश्यक रहेको विचार राखे ।

प्रकाशित : कार्तिक ६, २०७५ १९:५७
ADVERTISEMENT
प्रतिक्रिया
पठाउनुहोस्
ADVERTISEMENT

कृष्णनगरमा कर्फ्यु हट्यो

कान्तिपुर संवाददाता

कपिलवस्तु — स्थानीय प्रशासनले दुई दिनदेखि लगाएको कर्फ्यु मंगलबार बिहानबाट हटाएको छ । कर्फ्यु हटेसँगै जनजीवन सामान्य बन्दै गएको छ ।

स्थानीय दैनिक उपभोग्य सामग्री खरिद गर्न बजार निस्किन थालेसँगै त्रास पनि हटेको प्रहरी नायब उपरीक्षक रवि रावलले बताए ।

स्थिति सहज बन्दै गएपछि जिल्ला सुरक्षा समितिको मंगलबारको बैठकले कर्फ्यु हटाउने निर्णय गरेको प्रमुख जिल्ला अधिकारी अर्जुनप्रसाद पोखरेलले बताए ।

बुटवल, भैरहवा र काठमाडौंका लागि दिउँसोदेखि बस चल्न थालेका छन् । नेपालका १० ठूला भन्सारमध्येको कृष्णनगर कार्यालयमा भारतबाट आयात सुरु भएको छ ।

मंगलबारमात्र एक करोडभन्दा बढी राजस्व संकलन भएको प्रमुख भन्सार अधिकृत पुण्यविक्रम खडकाले बताए । आन्तरिक राजस्व कार्यालयमा पनि भीड बढेको छ । दसैंमा निकालिएको दुर्गा मूर्तिलाई बजार परिक्रमा गराउने क्रममा शुक्रबार साँझ ढुंगा प्रहार भएपछिको विवादले कृष्णनगर तनावग्रस्त बनेको थियो ।

प्रकाशित : कार्तिक ६, २०७५ १९:२४
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT