जुवाको विवाद पछि एसपीको सरुवा

दुर्गालाल केसी

दाङ — जुवा धन्दामा विवादित भएपछि जिल्ला प्रहरी प्रमुख एसपी कृष्णहरी शर्माको तीन महिनामै सरुवा भएको छ । साउन २८ मा आएका शर्माको जिल्लाका सुरक्षा निकायसँग उचित तालमेल हुन नसक्दा छोटो समयमै सरुवा भएको हो ।

एसपी कृष्णहरी शर्मा । 



Yamaha

शर्मालाई मानव बेचबिखन नियन्त्रण ब्यूरोमा सरुवा गरिएको प्रहरी प्रधान कार्यालयका प्रवक्ता एसएसपी उत्तमराज सुवेदीले बताए। दाङमा प्रहरी प्रधान कार्यालयबाट एसपी बेलबहादुर पाण्डेलाई खटाइएकोसुवेदीले जानकारी दिए। सुवेदीले भने शर्माको विवादका कारण नभई आवश्यकताका आधारमा सरुवा भएको दाबी गरे।

जुवा नियन्त्रणमा प्रमुख जिल्ला अधिकारी (प्रजिअ) गजेन्द्र बहादुर श्रेष्ठ र एसपी शर्माबीच असमझदारी भएको थियो। यसबारे कान्तिपुर दैनिकमा ‘जुवा बन्यो कमाउ धन्दा’ शिर्षकमा समाचार प्रकाशित भएको थियो। व्यवसायीले प्रहरीलाई मोटो रकम तिरेर जुवा सञ्चालन गरिरहेको गुनासो आएपछि प्रहरी प्रमुख विवादित भएका थिए। जुवा नियन्त्रणमा नेपाल प्रहरी भरपर्दो नभएको आशंकामा प्रजिअ श्रेष्ठले राष्ट्रिय अनुसन्धान र सशस्त्र प्रहरी खटाएर जुवा नियन्त्रणको प्रयास गरेको बताएका थिए।

कतिपयले यसलाई भागबण्डा नमिलेको परिणाम भनेर टिप्पणी गरेका थिए। सामान्यतः जुवा नियन्त्रणका लागि जिल्ला प्रहरी प्रमुखको खटनपटनमा नेपाल प्रहरी खटिनुपर्नेमा प्रजिअले सशस्त्र र राष्ट्रिय अनुसन्धान खटाएपछि जिल्लाका सुरक्षा अधिकारीबीच समन्वय अभाव देखिएको थियो। जुवामा लेनदेनको खेल चलेकै कारण यस्तो परिस्थिती आएको बुझिएको छ।

प्रकाशित : कार्तिक १८, २०७५ १५:५०
प्रतिक्रिया
पठाउनुहोस्

रेल्वे लिकको परिक्षण गर्न विराटनगर आइपुग्यो भारतीय रेलको इन्जिन [तस्बिर र भिडियो]

देवनारायण साह

मोरंग — भारतको बथनाहाबाट विराटनगरको बुद्धनगर-१८ सम्म बिछ्याइएको रेल्वे लिकको परिक्षणका लागि पहिलोपटक भारतीय रेलको इन्जिन विराटनगर आइपुगेको छ । भारतको रेल्वे विभागका इन्जिनियरिङ र निर्माण कम्पनीको टोलीले रेलमार्ग निर्माणको केही समय अघि जाँच गरेसँगै आइतबार परिक्षण स्वरुप यहाँसम्म रेल गुडाइएको हो । 

भारत सरकारले मोरङको कटहरीसम्म ब्रोडगेज रेलमार्ग निर्माण गरिदिने नेपाल सरकारसँग भएको सम्झौताअनुसार निर्माण कार्य गरेको थियो। भारत सरकारले ४ अर्ब ४८ करोडको लागतमा बथनाहादेखि कटहरीसम्म रेलमार्ग निर्माण गरेको हो। नेपाल सरकारले जग्गा उपलब्ध गराउने र भारत सरकारले भौतिक पूर्वाधारलगायतको काम गरिदिने गरी द्विपक्षीय सम्झौता भएको थियो।

रेलमार्ग निर्माणका ठेक्का पाएका इरकोण इन्टरनेसनल फार्बिसगन्ज, भारतले यसअघि नै अक्टोबरसम्ममा विराटनगर रेल आइपुग्ने बताएको थियो।

बथनहा–विराटनगर–कटहरी र जयनगर–जनकपुर–बर्दिबासमा रेल आएपछि थप तीन नाकामा रेल सेवा विस्तार गर्ने भारत सरकारको लक्ष्य छ। यी दुईवटा रेल्वे निर्माण भएपछि काँकडभिट्टा, भैरहवा र नेपालगन्ज नाकामा रेल सेवा विस्तार गर्ने भारतीय लक्ष्य छ।



तस्बिर र भिडियो : देवनारायण साह

प्रकाशित : कार्तिक १८, २०७५ १५:२०
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT