पाल्पामा पनि नेपाल सम्वत्‌काे स्वागत

कान्तिपुर संवाददाता

पाल्पा — नेपाल सम्वत्‌ ११३९ काे स्वागतमा पाल्पा सदरमुकाम तानसेनमा बिहीबार विभिन्न कार्यक्रम गरिएको छ ।

बिहानैदेखि तानसेनमा नेवारी समुदायसँग सम्बन्धित संघसंस्थाले विभिन्न कार्यक्रम गरिरहेका छन्। तानसेनको वसपार्क, टक्सार, भगवतीटोल, मखनटोल लगायतका स्थानमा तुल व्यानर राखेर नेपाल सम्वत्लाई स्वागत गरिएको छ। यस्तै, रामपुर, आर्यभन्ज्याङ्, हार्थोक लगायतका स्थानमा पनि नेपाल सम्बत्को स्वागतमा विभिन्न कार्यक्रम राखेका छन्।

Yamaha

तानसेन नगरपालिका, ३ बसपार्कस्थित इलाभेन ब्रदर्शको आयोजनामा नेपाल सम्वत्को स्वागतार्थ मोटरसाईकल ऱ्याली निकालिएको छ। नेवारी संघसंस्थाले छुट्टाछुट्टै कार्यक्रम गर्दै आएका छन्। नेवार समुदायसँग सम्बन्धित केही संघसंस्थालेले सांस्कृतिक कार्यक्रमसमेत आयोजना गरेका छन्।

इलाभेन ब्रदर्शले तानसेनमा हरेकवर्ष नेपाल सम्वत्को स्वागतमा मोटरसाइकल ऱ्याली निकाल्दै आएको छ। तानसेनको आन्दोलन चोकबाट सुरु भएको ऱ्याली बर्तुङ्ग, कैलाशनगर, टक्सार, मखनटोल, भुसालडाँडा, गोर्खेकोट, मेहलधारा हुँदै बजारको परिक्रमा गरेका थिए। २ सय बढी मोटरसाइकलले नेपाल सम्वत्को स्वागतमा हर्न बजाउँदै रमाइलो गरेर बजार परिक्रमा गरेका थिए।

कार्यक्रम संयोजक सुशील शाक्यका अनुसार मोटरसाइकल ऱ्यालीमा सहभागी सबैलाई विभिन्न उपहार प्रदान गरिएको छ। नेवारी समुदायमा घर घरमा घडामा पानी र फुल राखेर आगन्तुकलाई समेत स्वागत गरेका थिए। धिमे बाजाको धुनमा नेवारी पोसाक लगाएर तानसेनमा बजार परिक्रमासमेत गरिएको छ। काठमाडौंमा धिमेबाजा बजाउन सिकेका युवाहरुले रमाइलो गर्नुका साथै म्ह पुजा हेर्नेकोसमेत ठूलो भीड लागेको छ। तानसेनको टक्सारटोलमा नेवारी समुदायको बसोवास छ।

प्रकाशित : कार्तिक २२, २०७५ १२:५५
ADVERTISEMENT
प्रतिक्रिया
पठाउनुहोस्
ADVERTISEMENT

राष्ट्र निर्माणमा एकताको खाँचो छ – खनाल

रासस

काठमाडौँ — नेपाल कम्युनिष्ट पार्टीका (नेकपा) वरिष्ठ नेता एवं पूर्वप्रधानमन्त्री झलनाथ खनालले राष्ट्र निर्माणको अभियानमा सत्तापक्ष र प्रतिपक्षबीच एकता र सहकार्य हुनुपर्ने बताएका छन् । 


रिपोर्टर्स क्लबले उनकाे निवासमा आयोजना गरेको देउसी भैलो कार्यक्रममा नेता खनालले जनताको सामाजिक र आर्थिक रुपान्तरणका लागि गरिबी पछौटेपन, परनिर्भरता न्यूनीकरण गर्न आवश्यक रहेको बताउँदै विकास र समृद्धिका साझा मुद्दामा सबै दल एकढिक्का हुनपर्ने बताए।

मुलुकको विकास तथा आर्थिक समृद्धि जनताको इच्छा भएकाले त्यसतर्फ सरकारले ध्यान दिनुपर्ने उनकाे भनाइ थियो।

पाटीभित्रका गुट उपगुट अन्त्य गरी एकतावद्ध हुनुपर्ने खाँचो औँल्याउँदै उनले भने, 'नीति र विधिका आधारमा कम्युनिष्ट पार्टी सामूहिक नेतृत्वमा सञ्चालन हुन्छ, समूहको एकताबाट नै समाज पनि विकास हुन्छ, एक व्यक्ति सर्वज्ञ हुँदैन।’

नेता खनालले पार्टीको एकीकरणमा ढिलाई भएको स्वीकार्दै त्यस विषयमा निर्णय लिन चाँडै सचिवालय बैठक बस्ने बताए।

प्रकाशित : कार्तिक २२, २०७५ १२:५५
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT