घुस रकमसहित उप-न्यायधिवक्ता नियन्त्रणमा
काठमाडौँ — जिल्ला सरकारी वकिल कार्यालय, रुपन्देहीका प्रमुख उप-न्यायधिवक्ता कोषहरी निरौलालाई अख्तियार दुरुपयोग अनुसन्धान आयोगको टोलीले ८० हजार रुपैयाँ घुससहित पक्राउ गरेको छ ।
ठगी मुद्दा मिलाइदिने बहानामा सेवाग्राहीसँग घुस रकम माग गरिरहेको भन्ने सूचना एवं उजुरीको आधारमा अख्तियार कार्यालय, टंगालबाट खटिई गएको टोलीले उप-न्यायधिवक्ता निरौलालाईलाई ८० हजार रुपैयाँ घुस लिइसकेको अवस्थामा निजकै कार्यालय परिसरबाट मंगलबार नियन्त्रणमा लिएको हो । उनी माथि थप अनुसन्धान भइरहेको अख्तियारले जनाएको छ ।
प्रतिक्रिया