५ वर्षीय बालिकामाथि सामूहिक बलात्कार 

बलत्कारबाट गम्भीर घाइते बनेकी ती बालिकाको अहिले लुम्बिनी अञ्चल अस्पतालमा उपचार भइरहेको छ । अत्यधिक रक्तश्राव भएकी बालिकाको अवस्था सुधारोन्मुख रहेको उपचारमा संलग्न चिकित्सकहरुले जानाकारी दिएका छन् ।

बलात्कारमा संलग्न भएको आशंकामा प्रहरीले ६ जनालाई प्रकाउ गरेको छ । पक्राउ परेका सबै गाडीका हेल्पर र दैनिक मजदुरी गर्ने व्यक्ति छन् । प्रहरीले उनीहरुको नाम भने गोप्य राखेको छ । अनुसन्धान प्रभावित हुने भएकाले आरोपिको नाम गोप्य राखिएको इलाका प्रहरी कार्यालय बुटवलका प्रहरी निरीक्षक किरण घर्तीले बताए ।

बालिकालाई प्रलोभनमा पारेर स्थानीय केही युवाले घरबाट बाहिर लगेर बलात्कारको प्रयास गरेको हुनसक्ने प्रहरीले जनाएको छ । बालिकाकी आमा सुत्केरी भएर माइत गएको र बुवा समेत घरमा नरहेको बेला साझ हजुरबुवा र हजुरआमाले नातिनी नदेखेपछि खोज्दै जाँदा गम्भीर अवस्थामा भेटाएका थिए ।