ट्यांकरले ठक्कर दिँदा २ जनाको मृत्यु 

नारायण शर्मा

नवलपरासी — नवलपुरमा भएको सवारी दुर्घटनामा २ जनाको मृत्यू भएको छ । पुर्वपश्चिम राजमार्ग अन्तर्गत कावासोती नगरपालिका १६ डण्डामा पश्चिमबाट पूर्वतर्फ आउँदै गरेको बा ३ ख ९१५८ नम्बरको दुध बोक्ने ट्ंयाकरले विपरित दिशातर्फ जाँदै गरेको बा २८ प २०३१ नम्बरको मोटरसाइकललाई ठक्कर दिँदा मोटरसाइकलमा सवार दुईजनाको मृत्यु भएको जिल्ला प्रहरी कार्यालय नवलपुरका प्रहरी नायव उपरिक्षक लिलाराज लामिछानेले जानकारी दिए ।

मंगलबार राति १० बजे ट्यांकरको ठक्करबाट गम्भिर घाईते भएका उनिहरुको उपचारका क्रममा मध्यविन्दु सामुदायिक अस्पताल डण्डामा राति नै मृत्यु भएको प्रहरीले जनाएको छ । मृत्यू हुनेमा मोटरसाईकल चालक मध्यबिन्दु नगरपालिका-२ बस्ने करिब ४० बर्षिय युबराज घिमिरे र मोटरसाईकलमा सवार सोही ठाउका अन्दाजी ३६ बर्षिय पिताम्बर पाठक रहेक छन्।
ठक्कर दिने ट्यांकर र चालकलाई जिल्ला प्रहरी कार्यालय नवलपुरले नियन्त्रणमा लिएर थप अनुसन्धान गरिरहेको छ ।

प्रकाशित : माघ २९, २०७५ ११:२४
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

डोजर प्रतिबन्धपछि अलमल

विप्लव महर्जन

सल्यान — सरकारले १ करोडभन्दा कम बजेट भएका सडकमा डोजर लगाउन प्रतिबन्ध गरेपछि स्थानीय तह अलमलमा परेका छन् । डोजर लगाएर काम सञ्चालन भइरहेका ती सडक योजनामा अब के गर्ने भन्ने अन्योल भएको सरोकारवालाको भनाइ छ ।

सल्यानको उत्तरी भेगमा सडक खन्दै एस्काभेटर । जिल्लामा साना–ठूला सबैखाले सडक खन्न डोजर प्रयोग गरिँदै आएको छ ।तस्बिर : विप्लव/कान्तिपुर 

जिल्लाका १० स्थानीय तहले साना सडकमा पनि डोजर प्रयोग गरिरहेका छन् । हालसम्म ती सडकमा करिब ४० प्रतिशत काम भइसकेको छ ।

बागचौर नगरपालिकाका प्रमुख प्रशासकीय अधिकृत भीष्म मल्लले सरकारले गरेको निर्णयले सडकको काम गर्न कठिनाइ भएको बताए । ‘स्थानीयस्तरमै रोजगारी होस्, कामका लागि विदेश जान नपरोस् भनेर गरिएको यो निर्णय स्वागतयोग्य छ,’ उनले भने, ‘तर काम गर्ने मजदुर भेटिँदैनन्, डोजरले जस्तो काम पनि छरितो हुँदैन, यसले समस्या निम्त्याउन सक्छ ।’

त्रिवेणी गाउँपालिका अध्यक्ष मानबहादुर डाँगीले सरकारको यस्तो निर्णयले आगामी आर्थिक वर्षमा बजेट विनियोजन गर्न समस्या भएको बताए । स्थानीय तहले एउटा निर्णय गरेको र संघीय सरकारले अर्कै निर्देशन दिँदा अन्योल भएको उनको भनाइ छ । त्रिवेणी गाउँपालिकाले सडकका टुक्रे योजनामा तीन करोड रुपैयाँ विनियोजन गरेको छ ।

उनका अनुसार ५ लाखमुनिका योजना उपभोक्ता समिति र त्यसभन्दा माथिका योजना ठेक्कामार्फत कार्यान्वयन गर्ने नीति बनाइएको छ । ‘हामीले केन्द्र सरकारको निर्णय माने पनि उपभोक्ता र ठेकेदारले मान्लान् भन्ने लाग्दैन,’ उनले भने, ‘समयमै काम सम्पन्न गर्नुपर्ने बाध्यताले पनि डोजर लगाउनैपर्ने अवस्था आउन सक्छ ।’

छत्रेश्वरी गाउँपालिकासँग आफ्नै डोजर छ । यस्तो अवस्थामा एक करोडमाथिका सडक योजना तर्जुमा गरी आफ्नै डोजर प्रयोग गर्ने उसको तयारी छ । ‘यस्तो अवस्थामा साना योजनामार्फत काम गर्ने उपभोक्तालाई मर्का पर्न सक्छ,’ प्रमुख प्रशासकीय अधिकृत डिल्ली खड्काले भने ।

सल्यानमा डोजर प्रयोग गरेर मान्छेले काम गरेको भनी हाजिरी देखाउने प्रवृत्ति पनि उत्तिकै छ । यस्तो अवस्थामा त्यो प्रवृत्ति झन् मौलाउने स्थानीय तहको चिन्ता छ । सिद्धकुमाख गाउँपालिकाका अध्यक्ष चित्रबहादुर चलाउने सरकारको निर्णयले गाउँपालिकाको निर्धारित लक्ष्य पूरा गर्न हम्मे हुने बताउँछन् ।

उनका अनुसार डिभिजन वन कार्यालयले रोक लगाउँदा लगाउँदै पनि वृक्षरोपण गर्ने सर्तमा डोजर लगाएर सडक निर्माण भइरहेको छ । ‘केही वर्षदेखि मानिसले सडक खन्न छाडिसके, सबै काम डोजरले गर्छ,’ उनले भने, ‘स्थानीय जनताको मागअनुसार स–साना सडक योजना बनाएका थियौं, अब ती योजना कहिले पो सकिने हुन्, थाहा छैन ।’

शारदा नगरपालिकाले भने डोजर प्रयोगलाई कडाइका साथ लागू गर्ने जनाएको छ ।

प्रकाशित : माघ २९, २०७५ १०:४४
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT