पौडी खेल्दाखेल्दै दुई युवा बेपत्ता

रासस

धम्बोजी — कर्णाली नदीको गेरुवा भङ्गालोमा पर्ने कोठीयाघाटमा पौडी खेल्ने क्रममा आइतबार साँझ दुई युवा बेपत्ता भएका छन् । 

बाँके कोहलपुरका दीपेन्द्र कार्की र कैलाली लम्कीका प्रज्ज्वल कोइराला पौडी खेल्ने क्रममा बेपत्ता भएको प्रहरीले जनाएको छ। छ जना साथी मिलेर कोठीघाट घुम्ने क्रममा पौडी खेल्न गएको बेला नदीमा प्रज्ज्वल र दीपेन्द्र बेपत्ता भएको कोहलपुरका उनीहरुकै साथी राजेन्द्र शाहीले बताए।

Citizen

दुईजना नदीमा बेपत्ता भएको र बेपत्ताको खोजीकार्य प्रहरीले गरिरहेको प्रमुख जिल्ला अधिकारी रामबहादुर कुरुवाङले जानकारी दिए। उनका अनुसार खोजी कार्य लागि सशस्त्र प्रहरी र नेपाल प्रहरीका गोताखोर टोली परिचालन गरिएको छ।

प्रकाशित : वैशाख २, २०७६ १०:००
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

किसानलाई गहुँ भित्र्याउने चटारो

कान्तिपुर संवाददाता

धनगढी — जताततै नयाँ वर्षको उमंग छ । तर, कैलालीका किसानलाई भने नयाँ वर्षभन्दा पनि गहुँ काट्ने र भित्र्याउने चटारो छ । यहाँका किसान बिहानै हातमा हसियाँ समातेर गहुँ काट्न खेततिर लाग्छन् । साँझ अबेर मात्रै फर्कन्छन् ।

धनगढी उपमहानगरपालिकाको कैलाली गाउँमा गहुँ काट्दै किसान । तस्बिर : निर्मला/कान्तिपुर

‘नयाँ वर्ष त मनाउँदै गरौंला, तर वर्षा र असिना पर्‍यो भने भित्र्याउन ठिक्क पारेको गहुँ बाली नासिएर भोकै बस्नुपर्छ,’ खेतमा गहुँ काट्दै गरेकी धनगढी ४ उत्तरवेहडीकी कमला धामीले भनिन्, ‘अरू वर्षभन्दा यसपालि बाली राम्रो छ । त्यसैले पाकेका बेला भित्र्याउन हतारो भएको हो ।’

‘यो बेला समयमै पानी परेर गहुँ बाली अरू वर्षभन्दा सप्रेको छ । दाना पनि भरिएका र ठूला छन्,’ कमला बोहराले भनिन्, ‘अहिले गाउँतिर सबैलाई पाकेको बाली भित्र्याउन चटारो छ ।’ चैत दोस्रो सातादेखि नै गहुँ काट्न सुरु गरेका यहाँका कतिपय किसानहरूले बाली भित्र्याइसकेका छन् । तर, केही ढिला छरेका किसानलाई भने चाँडो बाली भित्र्याउन हतार छ ।

किसानहरू पालोपैंचो गरी सामूहिक रूपमा बाली काटिरहेका छन् । एक परिवारको सकिएपछि सबै अर्को परिवारको खेतमा जान्छन् । आफ्नो गहुँ बाली भित्र्याएर छिमेकीको गहुँ काट्न गएकी धनगढीकी गीता साउदले भनिन्, ‘मेरो सकियो, अहिले छिमेकीलाई सघाउन आएकी छु ।’ कैलालीमा ३४ हजार ५ सय हेक्टरमा गहुँ खेती हुन्छ । हालसम्म धेरैजसो किसानले बाली भित्र्याइसकेको भूमि व्यवस्था, कृषि तथा सहकारी मन्त्रालय उपसचिव यज्ञराज जोशीले बताए ।

–निर्मला खडायत(प्रशिक्षार्थी)

प्रकाशित : वैशाख २, २०७६ ०९:५८
पूरा पढ्नुहोस्
प्रतिक्रिया
पठाउनुहोस्
ADVERTISEMENT