कांग्रेस जिल्ला पार्टी कार्यालय तोडफोड

कांग्रेस बर्दियाद्वारा आयोजित पत्रकार सम्मेलनमा जिल्ला सचिव जीवन मल्लले पार्टी कार्यालयसमेत सुरक्षित राख्न नसक्ने सरकारको गतिविधि शंकास्पद रहेको बताए । जिल्ला प्रहरी कार्यालयदेखि करिब ३ सय मिटर दूरीमा रहेको पार्टी कार्यालयमा चोरी हुँदा प्रहरीको लापरबाही देखिएको बताए । २४ घण्टाभित्र घटनामा संलग्न भएकालाई कारबाही गरिएन भने प्रहरी प्रशासनविरुद्ध बाध्य भई सडक आन्दोलनमा उत्रने चेतावनी पार्टीका कावा सभापति मिश्रीलाल यादवले सञ्चारकर्मीलाई बताए ।

केही महिनाअघि कांग्रेस पार्टी सम्पर्क कार्यालयमा चोरीका घटनामा संलग्नलाई प्रहरीले पक्राउ गर्न नसकेकोमा उनले आक्रोश पोखे । सम्पर्क कार्यालयबाट ल्यापटप चोरी भएको थियो । घटनाका सम्बन्धमा नेका बर्दियाले शुक्रबार प्रहरी प्रमुख र प्रमुख जिल्ला अधिकारीलाई विरोधपत्र बुझाउने कार्यक्रम रहेको छ । बुधबार राति नै उद्योग वाणिज्य संघ गुलरियामा तोडफोड भएको छ ।