देवदहमा एक युवकको हत्या
काठमाडौँ — रुपन्देहीको देवदहमा एक युवकको हत्या भएको छ । देवदह नगरपालिका–८, विशालनगरका २८ वर्षीय सुमन थापाको हत्या भएको हो ।
हिजो साँझ कुटपिटबाट गम्भीर थापाको उपचारका क्रममा देवदह मेडिकल कलेज भलुहीमा मृत्यु भएको इलाका प्रहरी कार्यालय, बुटवलका प्रहरी नायव उपरीक्षक डिलबहादुर मल्लले बताउ ।
बेहोस अवस्थामा फेला परेका थापाको निधार र छातीमा निलडाम भेटिएको थियो । प्रहरीले थापाको हत्यामा संलग्नको आशंकामा ५ जनालाई नियन्त्रणमा लिएको छ । आफ्नै साथीभाइले कुटपिट गरेको आशंकामा उनीहरुलाई नियन्त्रणमा लिइएको हो । उनीहरुमाथि थप अनुसन्धान भैरहेको प्रहरीले जनाएको छ ।
प्रतिक्रिया