चट्याङ लागेर ३ को मृत्यु

कान्तिपुर संवाददाता

भैरहवा — चट्याङ लागेर रुपन्देहीमा मंगलबार तीन जनाको मृत्यु भएको छ । साँझ घरखेतमा काम गरिरहेको बेला चट्याङ परेको थियो । 

जिल्ला प्रहरी कार्यालय रुपन्देहीका अनुसार मृत्यु हुनेमा गैडहवा गाउँपालिका ७ का २५ वर्षीय भगवानदास लोध, कञ्चन गाउँपालिका–२ का ६० वर्षीय नन्दराम अर्याल र सैनामैना नगरपालिका–७ का ६२ वर्षीय चन्द्र बहादुर विक छन् ।

उपचारका क्रममा मणिग्रामस्थित क्रिमशन अस्पतालमा र अन्य दुईजनाको बुटवलस्थित प्रदेश अस्पतालमा मृत्यु भएको हो ।

प्रकाशित : असार १०, २०७६ १९:५३
प्रतिक्रिया
पठाउनुहोस्

विषादी परीक्षणपछि भित्रियो भारतीय तरकारी

कान्तिपुर संवाददाता

पर्सा — आयातकर्ताले विषादी अवशेष परीक्षण रिपोर्ट ल्याएपछि वीरगन्ज भन्सार कार्यालयले भारतबाट आयातित फलफूल र तरकारीको जाँचपास थालेको छ । कार्यालयका सूचना अधिकृत मनीष महतोका अनुसार आयातकर्ताले सर्लाहीको नवलपुरस्थित विषादी अवशेष द्रुत विश्लेषण प्रयोगशाला इकाईमा परीक्षण गराएर त्यसको प्रतिवेदन ल्याउन थालेपछि आयात खोलिएको हो ।

‘सोमबार राति करिब साढे ८ बजे नौवटा गाडी र आठवटा ट्रकमा तरकारी र फलफूल भित्रिएका छन्,’ उनले भने, ‘आयातकर्तालाई प्रयोगशालामा जान हामीले पत्रका साथ पठाइरहेका छौं, आलु–प्याजको हकमा पनि आयातकर्ताले यो परीक्षण गर्ने प्रयास गरी रहेका छन् ।’ प्लान्ट क्वारेन्टाइन परीक्षण वीरगन्जमै हुने भएकाले त्यसको हकमा समस्या छैन ।

यसअघि वाणिज्य विभागको परिपत्रअनुसार शुक्रबारदेखि भारतबाट हरियो तरकारी तथा फलफूलको आयात गर्दा प्लान्ट क्वारेन्टाइन र विषादी अवशेष परीक्षण गर्ने अनिवार्य व्यवस्थाले हरियो तरकारी र फलफूलको आयात ठप्प भएको थियो ।

वीरगन्ज नाका मुलुककै सर्वाधिक तरकारी तथा फलफूल आयात हुने नाका हो । भारतको बिहार, उत्तरप्रदेश, पश्चिम बंगाल, गुजरात राज्यबाट यो नाका हुँदै मौसमी तथा बेमौसमी हरियो तरकारी आयात हुन्छ ।
रतकै जम्मुकस्मिर तथा अन्य राज्यमा उत्पादित स्याउलगायत विभिन्न फलफूलसमेत यसै नाका भएर भित्रिने गरेको छ । यो नाका हुँदै सामान्यतया दैनिक ७ देखि १० गाडीसम्म हरियो तरकारी र फलफूल आयात हुँदै आएको छ ।

प्रकाशित : असार १०, २०७६ १९:३२
पूरा पढ्नुहोस्
प्रतिक्रिया
पठाउनुहोस्