जुम्लामा ‘तागा’ लगाएर नयाँ वर्ष
जुम्ला — कर्णालीमा बैशाख १ लाई नयाँ वर्षसंगै ‘तागे संक्रान्ति’ का रुपमा मनाउने गरेका छन् । जुम्लामा खस समुदायका विवाहित महिलाले आफ्नो श्रीमानको दीर्घायूको कामना गर्दै ‘तागा’ चलन छ ।
जुम्ली परम्परा अनुसार श्रीमान्ले श्रीमतीलाई ‘तागा’ लगाएर नयाँ वर्ष मनाइरहेका छन् । जुम्लामा तागे संक्रान्ति मनाउने चलन मल्लकाल यता सुरु भएको मान्यता छ ।
व्राहमणले विधिपुर्वक पुजाआजा गरेको सात रंगको २१ वटा गाँठो भएको तागा विवाहित महिलाले लगाउने गर्दछन् । तागा लगाएपछि वर्ष परिवर्तन संगै कृषि काम गर्ने समयको सुरुवात भएको भन्ने बुझिन्छ ।
बैशाख एक गते लगाएको तागा कार्तिक ६ गते विधिपूर्वक पूजाआजा गरी विसर्जन गर्ने परम्परा छ ।
प्रकाशित : वैशाख १, २०७५ १२:२८प्रतिक्रिया