छुट्टाछुट्टै घटनामा २ काे मृत्यु
काठमाडौँ — छुट्टाछुट्टै घटनामा शुक्रबार साझ २ जनाको मृत्यु भएको छ । राजापुरबाट नेपालगन्जतर्फ गइरहेको बसको ठक्करबाट एक किशोरीको घटनास्थलमै मृत्यु भएको छ ।
राजापुर नगरपालिका—८ की १३ वर्षीया बबिता शाहीको बसको ठक्करबाट मृत्यु भएको प्रहरीले जनाएकाे छ ।
प्रहरीले बस र चालकलाई नियन्त्रणमा लिएको छ ।
यसैगरी, ठाकुरबाबा नगरपालिका—३ बगनाहास्थित बबई नदीमा पौडी खेल्न गएका एक युवकको डुबेर मृत्यु भएको छ ।
शुक्रबार साझ ठाकुरबाबा—४ का २३ वर्षीय केशव खत्री बबईमा पौडी खेल्न क्रममा वेपत्ता भएको केही समयमै उद्दार गरि उपचारका लागि कोहलपुर लगिएको थियो ।
उपचारकै क्रममा खत्रीको मृत्यु भएको प्रहरीले जनाएको छ ।
प्रतिक्रिया